Modric fton Balen në Real

Ish mesfushori i Tottenhamit, Luka Modric shpreson se Gareth Bale do t’i bashkohet atij në Real Madrid dhe mendon se me ardhjen eventuale të yllit uellsian, gjiganti spanjoll do të bëhej “ekip i pandalshëm”.

“Ne kemi biseduar dhe e di se Gareth dëshiron të luajë në Ligën e Kampionëve çdo sezon dhe ëndërron të fitojë Ligën e Kampionëve. Reali do të ishte klubi i duhur për të realizuar ëndrrat që ka”, deklaroi Modric për The Sun.

“Luaj me Ronaldon dhe nëse do të ishte edhe Gareth këtu, do të bëheshim të pandalshëm”, përfundoi kroati.