Meta: Me ne kunder qeverise se tragjedive

Kryetari i Levizjes Socialiste per Integrim, Ilir Meta, tha dje se kryeministrit Sali Berisha po i ndodhin te gjitha tragjedite ne muajin mars. Duke e paralelizuar, skandalin e videos se ish ministrit Ylli Pango me tragjedine e Gerdecit, Meta u shpreh se kjo qeveri nuk duhet te lejohet me te prodhoje tragjedi te tilla. Sipas Metes, Berisha duhet te ike menjehere. "Ndaj ftoj te gjithe qytetaret shqiptare, socialistet e vertete, qe ne 15 Mars, te bashkohen ne protesten per perkujtimin e nje vjetorit te tragjedise se Gerdecit. Te gjithe te bashkohemi ne sheshin Nene Tereza per te protestuar kunder kesaj qeverie qe po na sjell vetem tragjedi", u shpreh Meta. Sipas tij, Pango duhet te heqe dore menjehere nga mandati i deputetit pas skenave te bera publike. Kjo per Meten eshte e vetmja menyre qe Kuvendi, te mbroje integritetin e tij. "Vendet e punes po kerkohen ne menyre perverse. Nuk mund te risim femijet me kete lakuriqesi politike. Shqiptaret duhet te jene ata qe te mos na sjellin me lakuriqa ne Kuvend", u shpreh i revoltuar Meta. Jashte dyerve te Kuvendit, ai beri thirrje per largimin e kryeministrit Sali Berisha. Sipas liderit te LSI-se, nje kryeminister nuk duhet te qendroje me ne postin e tij pas skandaleve te tilla. Skandali i fundit sipas Metes, i shtohet numrit te madh te skandaleve te kesaj qeverie jo vetem me shkeljen e ligjeve, por me korrupsionin, trafiqet, krizen ekonomike si dhe se fundmi abuzimet seksuale. Per te gjitha keto dhe ne menyre te vecante, per te perkujtuar tragjedine e Gerdecit, Meta i ftoi te gjithe ne protesta ne shesh ne 15 Mars. Date kjo e dhimbshme per Shqiptaret, ku nga shperthimi i fabrikes se demontimit te armeve, humben jeten 26 persona.