Meta: PS, politike destruktive dhe bllokuese
Votimi i ligjeve qe kerkojne shumice te cilesuar ne Kuvend dhe nisja e punes per reformen zgjedhore jane disa prej ceshtjeve ku opozita duhet te jap kontributin e saj dhe te mos mbaje qendrim bllokues. Ky eshte vleresimi qe ka dhene dje zv.kryeministri dhe Ministri i Jashtem Ilir Meta ne lidhje me qendrimin e opozites. Ne nje prononcim per mediat, Meta u shpreh se sjellja e PS po demton proceset integruese te vendit. “Edhe vete fakti qe per fat te keq Partia Socialiste nuk angazhohet per reformen zgjedhore, e cila tashme sipas te gjithe partnereve nderkombetare, do t’i jape zgjidhje perfundimtare shqetesimeve lidhur me transparencen e proceseve ne te kaluaren, tregon qe edhe nje here synohet permes nje politike bllokuese, bojkotuese dhe pa e tepruar do te thoja destruktive, demtohen proceset integruese, demtohet funksionimi i institucioneve”, tha Meta. Ai ka argumentuar se opozita eshte nder forcat e para qe duhet te jene te interesuara per ndryshimet ne ligjin elektoral dhe jo te bllokoje kete proces. “Kjo lloj politike mendoj qe eshte teper driteshkurter dhe nuk e ndihmon aspak Partine Socialiste e cila ka kontributet e saj ne te kaluaren ne proceset integruese te vendit dhe une shpresoj qe do te reflektojne’, tha Meta. Ne lidhje me votimin e ligjeve me shumice te cilesuar, ai u shpreh se eshte detyre e opozites qe te jap konsensus.