Meta: Rama-Berisha, nisme antisociale
"Perpjekja per miratimin e projektligjit "Per taksat vendore" ne parlament ishte deshtimi i radhes dhe shprehja me evidente e pa-aftesise se kesaj qeverie antisociale". Ky ishte qendrimi i ardhur dje nga kryetari i Levizjes Socialiste per Integrim, Ilir Meta, lidhur me debatin e zhvilluar ne Kuvend, dy dite me pare, mbi kete ceshtje. Madje, dhe ne kete rast, kreu i LSI-se nuk kurseu akuzat per kupolen roze. "Kete here, aleat ka pasur lidershipin e PS, qe nga istikami i copes se pushtetit qe gezon, ka qene bashkepergjegjes per realizimin e ketij projektligji, nje goditje te re mbi mireqenien e qytetareve shqiptare", u shpreh Meta gjate nje komunikimi me mediet. Sipas tij, qellimi i pushtetit vendor eshte sherbimi me cilesor ndaj qytetareve dhe jo boshatisja e xhepave te tyre me taksa konsumatore apo me taksa qe frenojne zhvillimin. "Taksat vendore kane kohe qe jane ne nje tendence rritjeje ne pushtetin vendor: keshtu jane rritur taksat e pastrimit, e sherbimeve urbane, e gjelberimit e shume te tjera. Por, asnje prej tyre nuk eshte reflektuar me permiresimin e cilesise se sherbimeve ndaj qytetarit", nenvleresoi Meta. Per kete arsye, kreu i LSI-se theksoi faktin se "nuk mund dhe nuk duhet te kete rritje taksash per sa kohe qytetareve nuk i ofrohen sherbimet minimale publike; dhe fatkeqesisht, kjo eshte evidente nga qytetaret edhe ne mes te Kryeqytetit, qe kane probleme jetike me ujin, me plehrat, apo me ndotjen e mjedisit". Njekohesisht, duke kaluar ne akuza me te drejtperdrejta per pushtetin qendror dhe vendor", Meta deklaroi se "rritja e taksave eshte menyra me e shpejte per ata qe duan te grumbullojne e menaxhojne para me duart e tyre, por menyra e fundit per t'u sherbyer sic duhet qytetareve, dhe pushtetaret e sotem, ata ne qeverisje qendrore apo vendore, kane gjetur menyren me te lehte". Ne kete pikepamje, per LSI, nuk mund dhe nuk duhet te kete rritje taksash ne sektore te tille, si bujqesia, sektor jetik per zhvillimin e vendit, i cili jo vetem nuk duhet te kete rritje taksash, por incentiva te rendesishme per rritjen e prodhimit dhe perdorimin e tokes bujqesore. Sipas Metes, qeveria duke realizuar vetem pseudoreforma, synon te shtoje barren e taksave mbi qytetarin shqiptar, dhe te kompensoje me to papergjegjshmerine e saj qeverisese.