Meta: Synojme qe deri ne vitin 2010, te dyfishohen investimet ne bujqesi

Kryetari i Partise Levizja Socialiste, Ilir Meta, ka deklaruar diten e djeshme se ne programin e partise se tij, synohet qe deri ne vitin 2010 te dyfishohen investimet per bujqesine. Duke krijuar keshtu, sipas tij, perspektive si dhe duke siguruar projekte afatgjate qe do te ndryshojne edhe raportin e importeve dhe eksporteve te produkteve bujqesore, duke synuar rritjen e prodhimit te vendit dhe si rrjedhoje rritjen e eksporteve. Detajet e programit per nxjerrjen e bujqesise nga kriza, u prezantuan nga lideri i LSI-se gjate nje takimi me banoret e komunes Kote ne zonen e Lumit te Vlores. Gjate fjales se tij, ai theksoi se do te marre persiper qe te permiresoje jeten e banoreve te zonave rurale, nepermjet rimekembjes se bujqesise, pasi vete bujqesia eshte ne krize. "Kjo do realizohet permes nje programi, qe mbeshtetet te zhvillimi i bujqesise qe nga subvencionimi i inputeve bujqesore ne masen 25 per qind, per te vazhduar me subvencionimin e prodhimeve permes parimit "kush prodhon me shume, te subvencionohet me shume", premtoi ish-kryeministri. Sipas tij, LSI do te nxise edhe ngritjen e qendrave te prodhimit si dhe krijimin e industrise agroperpunuese. Duke vazhduar me tej, ai tha se bujqesia sot eshte ne krize, jo vetem per mosperkrahje nga shteti, por edhe sepse secili prodhon aq sa mundet dhe sipas ideve te tij. "Edhe farerat jane te skaduar dhe nuk mund te kete prodhim te garantuar", shprehur shqetesimin Meta. Ne fund te takimit, kryetari i LSI garantoi se nepermjet programit te kesaj partie per te rinjte, do t'u ofrohen me shume mundesi per shkollim dhe punesim. Te njejtin premtim, Meta ka bere dhe gjate vizites ne nje vreshtari ne Kashar, teksa ka deklaruar dyfishimin e buxhetit per bujqesine, ne vitet e qeverisjes se majte.

PENSIONISTET

"Me fitoren e Levizjes Socialiste per Integrim ne 28 Qershor, projektligji per pensionistet do te kthehet ne ligj, se pari per t'i ofruar sherbim falas te gjithe pensionisteve dhe se dyti, per rimbursimin e plote te ilaceve", premtoi Meta.