Milo: PS te firmose ftesen per referendumin

Partia Demokracia Sociale i beri thirrje PS-se dhe lidershipit te saj qe t'i bashkohet fteses se LSI per te kundershtuar ndryshimet kushtetuese, te miratuara me 21 prill ne Kuvend. Keshtu, vec thirrjeve te vazhdueshme te ardhura nga lidershpi i LSI-se, per ligjvenesit socialiste dhe kryetarin e tyre, sa i takon kerkeses per referendum popullor, tashme nuk kane munguar dhe thirrje nga partite e tjera te majta, qe jane nenshkruese te ketij dokumenti, por dhe ish-aleate te PS-se. Ne kete menyre, referuar kesaj ceshtje, kryetari i PDS, Paskal Milo, gjate nje komunikimi me mediat, te zhvilluar pergjate dites se djeshme, i ka bere thirrje PS-se per t'u bere pjese e nismes se LSI-se. Sipas tij, Partia Socialiste duhet te dale nga llogorja ku eshte futur nga bashkepunimi me Berishen e te vije e te bashkohet me kater partite e opozites, per te krijuar politiken e re. "Lidershipi i PS-se nuk duhet ta hedhe poshte apriori ftesen e LSI-se per bashkepunim referendar qe eshte edhe ftesa jone. Bashkepunimi dhe fryma e mirekuptimit duhet te jene thelbi i asaj qe quhet politike e re", u shpreh Milo gjate fjales se tij, lidhur me kete situate, ne te cilin ndodhet tashme kampi i majte. Nderkohe qe, Partia Demokracia Sociale ka firmosur kerkesen per organizimin e ketij forumi, i cili do te mundesonte qe, lidhur me ndryshimet e miratuara ne Kuvend, te shprehet dhe sovrani permes votes se tij.