Milo: Rama duhet ta lërë menjëherë drejtimin e PS

Kryetari i Partisë Demokracia Sociale Paskal Milo, pa asnjë mandat në kuvendin e ri, e sheh situatën rrjedhojë të filozofisë që ndoqi lidershipi i Partisë Socialiste, Edi Rama. Milo deklaroi se ishte egoja e madhe për pushtet e Ramës ajo që la jashtë këtij parlamenti jo vetëm PDS dhe partitë aleate të PS, por shkaktoi dhe humbjen e vetë Partisë Socialiste. Sipas tij përqendrimi i pushtetit tek forca e madhe që drejtoi koalicionin si dhe shkatërrim i partive të vogla. Ishte një filozofi e cila prodhoi humbjen e së majtës. Krahas bashkimit të së majtës, kusht për bashkëpunimin e mëtejshëm, do të jetë sipas Milos ndryshimi i Kodit elektoral. Partitë në 28 qershor konkurruan për herë të parë sipas sistemit proporcional rajonal, që dukshëm favorizonte dy formacionet e mëdha politike, deklaroi Milo. Ndërsa ka përsëritur edhe një herë thirrjen që duhet të largohet Rama nga Partia Socialiste, sipas tij një njeri i cili i solli këtë humbje të majtës nuk e meriton që të vazhdojë më të jetë në krye të PS. Sipas Milos në krye të Partisë Socialiste duhet të vijë një person që të jetë i aftë jo vetëm për të organizuar PS, por për të riorganizuar të gjithë të majtën, në mënyrë që të mos ketë më surpriza të pakëndshme.