Mimozat, punesim sezonal per shtepiaket dhe te miturit

Ne qender te Tiranes, prane shume institucioneve shteterore, prane edhe bulevardit kryesor, nje peme mimoze eshte shqyer nga te gjitha anet. Autore te kesaj ngjarjeje nuk duken te jene lypesit te cilet e kane marre me "tapi" ate zone, por disa femije, madje edhe te rritur. Me sa duket ata kane pertuar te shkojne deri te parku i Liqenit Artificial (jo se kjo do te perbente ndonje shkelje me te vogel), por kane shfrytezuar qenien e nje peme te tille fitimprurese ne qender te Tiranes, per ta shperfytyruar. Lypesit, prane semaforit te Ura e Lanes, vazhdojne te lypin, ndersa ata me te "kamurit", nuk e bejne nje gje te tille. Ata keqtrajtojne ne menyre te paligjshme Parkun e Liqenit Artificial dhe preferojne te shesin. Fare prane kesaj peme te dhunuar, nje grua rreth te tridhjetepesave ka rreshtuar dhjetera tufa lule mimozash ne trotuar, prane bulevardit "Deshmoret e Kombit". Konkurrenca eshte e dukshme edhe ne shitjen e ketij produkti. Ndersa Ignasio, i cili ishte lodhur shume per t'i keputur, e shiste 100 leke tufen, gruaja e re, qe preferon te mbetet anonime, i shet me gjysmen e cmimit. "I kam blere", thote fillimisht, ndersa me pas tregon me sinqeritet se ato mimoza i ka keputur bashkeshorti i saj te Liqeni Artificial. "Jam e papune", perpiqet te justifikohet disi. Shitesja rrefen se shitjen e mimozave e ka si "punesim sezonal". Ajo perpiqet te ta fitoje buken e gojes ku te mundet, duke shitur lule, te cilat ne fakt nuk kerkojne asnje investim. Thjesht pak kacavjerrje, per t'i keputur ato. Kalimtaret duken paksa dinake. Ata ua thithin aromen luleve, por per t'i blere as qe behet fjale. "Mund te shkoj t'i marr vete nga liqeni thote nje vajze e re, teksa refuzon kerkesen e gruas per t'i blere. Te gjithe duken te qete ne metropolin shqiptar, edhe pse lajmetaret e pranveres po vriten perdite... Tirana eshte nder te paktat vende ku lulet fillojne qe te celin si per te lajmeruar stinen me me jete, e megjithate, ne nuk i leme te qeta ato.