Ministri Guni premton më shumë mbështjetje për fëmijët në nevojë

Në një qershor, në ditën e fëmijëve strukturat qeveritare kanë premtuar më shumë mbështetje, për respektimin e të drejtave të fëmijëve, si në strehim, arsimimin, si dhe në kujdesin shëndetësor. Në një raport vjetor për zbatimin e strategjisë kombëtare të fëmijëve, thuhet se nga 700 fëmijë që kanë qenë në nevoje, 46 janë kthyer në bankat e shkollës, dhe 40 familjeve ju është mundësuar ndihme ekonomike. Gjatë vitit të fundit, në 21 institucionet publike u trajtuan mesatarisht 410 fëmijë, nga të cilët 280 fëmijë jetimë dhe me probleme sociale dhe 130 fëmijë me aftësi të kufizuar. Ministri i Punës, Viktor Gumi ka lançuar projektin e qeverisë, për krijimin e strehëzës së pritjes, ndërkohë që u shpreh se tashmë po funksionon dhe shërbimi i kujdestarisë, për fëmijët që nuk mund të kenë një familje biologjike. "Iniciativa e parë shtetërore që do të pasohet dhe me iniciativa të tjera, duke synuar përmbushjen e standardeve të komunitetit evropian, për ngritjen e një strehëze të tillë për çdo 7500 banorë. Fëmijët që do të përfitojnë nga ky shërbim do të dalin nga vija e varfërisë sepse do të mbështeten me 3 dollarë në ditë, ose 50 për qind më shumë se sa standardi i poshtëm i varfërisë", deklaroi ministri Guni. Në prezantimin e raportit ka marrë pjesë dhe zonja e parë, Teuta Topi, e cila ka kërkuar më shumë punë nga strukturat qeveritare, në bashkëpunim me ato ndërkombëtare. Tashmë, pritet që të miratohet nga parlamenti i ardhshëm, kodi etik i fëmijëve, që do ti mbrojë ata edhe nga dhuna e ushtruar ndaj tyre. Nga të dhënat e raportuara nga Policia e Shtetit, rezulton se gjatë vitit 2008 janë evidentuar rreth 822 raste dhune në familje, ku viktima në 76 raste kanë qenë të mitur nën 18 vjeç.