Ministri Mediu flet per prioritetet e qeverise per mjedisin

Ministri i Mjedisit, Fatmir Mediu gjatë një intervistë në studion e “ABC News” ka deklaruar se çështjet e mjedisit dhe zhvillimi jeshil përbëjnë një nga prioritetet e qeverisë, dhe për këtë po punohet për aplikimin e ligjeve europiane dhe plotësimin e standardeve europiane.
Më tej, Mediu ka folur edhe për parandalimin e përmbytjeve duke deklaruar se “është ndaluar shfrytëzimi i inerteve të lumenjve nga muaji dhjetori dëri në maj”. Madje, në këtë kuadër, Ministri i Mjedisit bëri me dije se “do të aplikohen edhe gjoba për kryetarët e bashkive dhe komunave, të cilët nuk i përmbahen ligjit për mjedisin”. Ministri Mediu e ka cilësuar si mjaft të rëndësishëm investimet në lumin “Buna”, si masë për parandalimin e përmbytjeve.