Ministri i Financave Kastriot Islami prezanton Drejtorin e Pergjithshem te Bankes se Kursimeve, Ardian Kamberi Ministri i Financave z. Kastriot Islami ka prezantuar sot ne detyren e Drejtorit te P
Ministri i Financave Kastriot Islami prezanton Drejtorin e Pergjithshem te Bankes se Kursimeve, Ardian Kamberi
Ministri i Financave z. Kastriot Islami ka prezantuar sot ne detyren e Drejtorit te Pergjithshem te Bankes se Kursimeve z. Ardian Kamberi, i cili zevendeson ne kete post z. Edvin Libohova.
Ne fjalen e tij, Ministri Islami fillimisht ka falenderuar dhe vleresuar punen e deritanishme te ish-Drejtorit Libohova, ne procesin e reformimit dhe privatizimit te bankes me te madhe te nivelit te dyte ne vend. Nga ana tjeter, Ministri Islami ka shprehur bindjen se Drejtori i ri Kamberi, me potencialin dhe eksperiencen e tij do te permbush me sukses dhe efikasitet detyren e re, ne funksion te realizimit te objektivave te rendesishme qe ka Banka e Kursimeve.
Nder objektivat kryesore te punes se Drejtorit te ri Kamberi, Ministri Islami ka permendur:
1- pregatitjen gjate muajit shtator te plan-veprimit per vazhdimin e procesit te privatizimit, duke patur parasysh pervojen e deritanishme pozitive dhe bashkerendimin e veprimeve me partneret nderkombetare;
2- ristrukturimin e Bankes ne tre drejtime kryesore: ate te sherbimeve qe u ofron klienteve per permiresimin dhe modernizimin e tyre; ate te ristrukturimit te shume degeve ne rrethe; si dhe optimizimin e numrit te personelit;
3- vazhdimin e aktivitetit deri ne rikthimin e plote te sasive te parave te terhequra gjate muajve prill-maj, ne periudhen e miratimit nga Kuvendi te ligjit "per sigurimin e depozitave".
Z.Ardian Kamberi, ka nje kariere te pasur ne fushen bankare qe ne fillimin e viteve '90, kryesisht ne pregatitjen dhe implementimin e sistemeve te perparuara kompjuterike. Ai ka ushtruar detyren e Drejtorit te Departamentit te Informatikes dhe njekohesisht ka qene anetar i Bordit Ekzekutiv te Bankes se Shqiperise prej marsit te vitit 1992 deri ne shtator te vitit 1993, nderkohe qe ka dhene kontributin e tij per zbatimin e te parit sistem informacioni ne sektorin bankar shqiptar ne qytetin e Durresit.
Nga shtatori i 1993 deri ne janar te vitit 1994, ka punuar prane Bankes Kombetare Tregtare si specialist kredie, ne sektorin e administrimit dhe procesimit te kredive, nepermjet analizave te hollesishme financiare; qellimit te biznesit e qendrueshmerise se tij; mundesite qe ofron tregu per kompanite etj. Per 5 vjet me rradhe, z. Kamberi ka bashkepunuar me Banken e Shqiperise nga prilli i vitit 1995 deri ne korrik te vitit 2002, per ngritjen e maredhenieve te qendrueshme me bankat e nivelit te dyte dhe rrjetin e klienteve. Ai ka dhene kontributin e tij, ne ngritjen dhe zhvillimin e Sistemit te Informacionit per Kembimet Valutore per sektorin privat; si dhe analizimin dhe dizenjimin e zgjidhjes se plote software-ike per zyrat private ne Shqiperi.