Ministri i Jashtëm maqedonas Miloshovski viziton nesër Prishtinën

Me ftesë të ministrit të Punëve të Jashtme të Kosovës, Skënder Hyseni, ministri i Jashtëm i Maqedonisë, Antonio Miloshovski, të hënën do të vizitojë Prishtinën.
Gjatë vizitës së tij një ditore, përveç me homologun e tij, Miloshovski do të takohet edhe me krerë të lartë shtetërorë të Kosovës, përkatësisht me presidentin Fatmir Sejdiu dhe me kryetarin e Kuvendit, Jakup Krasniqi.