Ministria e Brendshme: Evakuuam 15 persona

Menjëherë pas ngjarjes së
rëndë, ka reaguar dje Ministria
e Brendshme, e cila ka publikuar
informacionet paraprake të
saj dhe masat e marra për ndihmë
të menjëhershme. "Në orën
11:55, salla operative e policisë
së Gjirokastrës mori njoftim se
pjesë të një ndërtese në lagjen
"11 Janari" po shembeshin. Në
vendngjarje kanë mbërritur menjëherë
dhe kanë ndërhyrë Forcat
e Ndërhyrjes së Shpejtë të stacionuar
aty pranë, në aksin e autostradës
Gjirokastër-Kakavijë,
duke bërë të mundur evakuimin
e banorëve të pallatit, dhënien e
ndihmës së parë dhe transportimin
e tyre drejt spitalit të qytetit",
deklaroi zëdhënësi i Ministrisë
së Brendshme, Fatmir Konja.
Më tej, ai shpjegoi se nën
drejtimin e prefektit të Qarkut, ka
filluar menjëherë funksionimi i
shtabit lokal të emergjencës. "Në
vendngjarje kanë mbërritur menjëherë
zëvendësministri i
Brendshëm, Ferdinand Poni,
drejtori i Përgjithshëm i Policisë
së Shtetit, Ahmet Prençi, drejtori
i Përgjithshëm i Emergjencave
Civile, Alfred Olli, si dhe specialistë
të tjerë të emergjencave civile.
Gjatë operacionit të kërkimshpëtimit
është bërë i mundur
evakuimi 15 banorëve, 4 prej të
cilëve kanë pasur nevojë për ndihmë
mjekësore. Momentalisht
rezultojnë ende të pagjetur 3 persona.
Nga hetimet paraprake
mendohet që ngjarja e rëndë të
jetë shkaktuar si rezultat i punimeve
që po kryheshin në afërsi
të këtij pallati banimi, si pasojë e
të cilave është shkaktuar rrëshqitja
e dheut nën themelet e pallatit",
deklaroi Konja, në një konferencë
për shtyp, duke shtuar se
forcat e policisë kanë shoqëruar
drejtues të punimeve të firmës
"Arti shpk", njëri prej të cilëve në
afërsi të pikës së kalimit kufitar
Kakavijë, në tentativë për t‘u larguar
nga Shqipëria.