Ministria e Brendshme: Procesi i kartave, me shpejtesi dhe ne menyre perfekte

Ministria e Brendshme informoi dje opinionin publik, se procesi i aplikimit per kartat e identitetit po realizohet me shpejtesi dhe ne menyre perfekte. Deklarata eshte bere nga zedhenesi i kesaj Ministrie, Fatmir Konja, i cili tha se procesi i aplikimit mbulon te gjithe territorin e vendit duke ofruar mundesine e aplikimit per cdo qytetar, pavaresisht se ku ai ka vendbanimin. "Procesi i aplikimit ka filluar edhe ne institucionet e vuajtjes se denimit, duke bere te mundur edhe pajisjen e atyre qe vuajne denimet me burgim apo paraburgim", shpjegoi ecurine e procesit, Konja. Sipas tij deri me dje, kane aplikuar per leternjoftimin elektronik afro 800.000 qytetare shqiptare dhe jane prodhuar mbi 600.000 leternjoftime, 350.000 prej te cilave tashme jane ne qarkullim. Ai sqaron se kapacitetet e aplikimit dhe prodhimit jane ne kuota maksimale, respektivisht 22.000 dhe 20.000 ne dite. "Procesi i pajisjes me kupone me vleren 200 leke te personave pa pasaporte, si nga ana e njesive vendore, ashtu edhe nga zyrat e postes po funksionon normalisht", u shpreh zyrtari i Ministrise se Brendshme. Sipas tij, vetem gjate dy diteve te fundit ne sportelet postare te qytetit te Tiranes, kane perfituar keto kupone rreth 1000 (njemije) persona te evidentuar ne listat e qytetareve pa pasaporte. Konja nenvizoi se sipas vendimit te qeverise, i krijohet mundesia te pajiset me kupon edhe cdo qytetari qe mund te mos jete ne keto lista, duke paraqitur nje vertetim nga ana e policise, ose edhe vetem duke plotesuar formularin e vetedeklarimit ne sportelin e postes. Ministria e Brendshme pergenjeshtroi deklarimet e leshuara nga Partia Socialiste per mosmarrje informacioni nga ana e kesaj Ministrie, duke bere te ditur se ka derguar zyrtarisht prane Komisionit Qendror te Zgjedhjeve, listen e personave pa pasaporte qe nuk kane aplikuar ende per karten e identitetit.