Ministria ruse e mbrojtjes: Qindra marinsa ukrainas dorëzohen në portin kyç të Mariupolit

Më shumë se një mijë marinsa ukrainas janë dorëzuar në portin e rrethuar ukrainas të Mariupolit, tha të mërkurën ministria ruse e mbrojtjes për objektivin kryesor të Moskës në rajonin lindor të Donbasit, të cilin ende nuk e ka vënë nën kontrollin e saj raporton CNN.

Nëse rusët kapin zonën industriale Azovstal, ku marinsat janë strehuar, ata do të kishin kontrollin e plotë të portit midis zonave të kontrolluara nga Rusia në perëndim dhe lindje dhe duke siguruar një korridor tokësor për trupat dhe furnizimet ruse.

Gazetarët e Reuters që shoqëronin separatistët e mbështetur nga Rusia panë flakët të dilnin nga distrikti Azovstal të martën.

Shtabi i përgjithshëm i Ukrainës, në raportin e tij të mëngjesit të mërkurën, tha se forcat ruse po vazhdonin me sulme në Azovstal dhe port. Zëdhënësi i Ministrisë së Mbrojtjes të Ukrainës tha se nuk kishte informacion për ndonjë dorëzim nga marinsat. 

Mijëra besohet se janë vrarë nën një rrethim gati shtatë javor të qytetit dhe Rusia ka grumbulluar mijëra trupa në zonë për një sulm të ri, tha Presidenti ukrainas Volodymyr Zelenskiy.

Ukraina thotë se dhjetëra mijëra civilë janë bllokuar brenda atij qyteti pa asnjë mënyrë për të sjellë ushqim apo ujë, dhe akuzon Rusinë për bllokimin e autokolonave të ndihmave.

Ministria ruse e mbrojtjes tha se 1026 ushtarë të Brigadës së 36-të Detare të Ukrainës u dorëzuan.

Udhëheqësi çeçen Ramzan Kadyrov, një mbështetës i flaktë i presidentit rus Vladimir Putin, tha gjithashtu se më shumë se 1000 marinsa ishin dorëzuar dhe u bëri thirrje forcave të mbetura të ngujuara në fabrikën e çelikut Azovstal të dorëzoheshin.

“Brenda Azovstal për momentin ka rreth 200 të plagosur të cilët nuk mund të marrin asnjë ndihmë mjekësore”, tha Kadyrov në një postim në Telegram. “Për ta dhe për të gjithë të tjerët do të ishte më mirë t’i jepej fund kësaj rezistence të kotë dhe të shkonin në shtëpi te familjet e tyre”.

Televizioni rus tregoi fotografi të asaj që tha se ishin marinsat që dorëzoheshin në Illich Iron and Steel Works në Mariupol të martën, shumë prej tyre të plagosur.

Ai tregoi atë që thoshte se ushtarët ukrainas po marshonin në një rrugë me duart e tyre në ajër. Njëri nga ushtarët u shfaq duke mbajtur një pasaportë ukrainase.