Miranda Kerr, zyrtarisht e fejuar me Blum, së shpejti, dasma

Orlando Blum dhe Miranda Kerr së shpejti do të martohen? Një lajm që shumë herë është bërë nga mediat e që më në fund duket se do të bëhet realitet. Lajmi bëhet i ditur nga zëdhënësi i aktorit, që me sa duket është i bindur se “po”-ja e Kerr është përfundimtare. Aktori i “Pirati i Karaibeve” dhe modelja e “Victoria's Secret” zyrtarisht konsiderohen të fejuar dhe presin të martohen. Ylli i Hollivudit i propozoi disa herë bukuroshes së tij dhe zëdhënësi i aktorit ka deklaruar për “Entertainment Tonight”: “Orlando Blum dhe Miranda Kerr do të martohen”. Vitin e kaluar, Miranda dhe Orlando që frekuentohen që në vitin 2007, vendosën të jetonin bashkë dhe së shpejti do të kemi mundësi t’i shohim edhe në altar.

23 Qershor 2010