Mjeke, farmaciste e avokate, pa licence

Mjeket, farmacistet, avokatet dhe nje sere profesionesh te tjera te konsideruara si te rendesishme dhe te lidhura fort me jeten e qytetareve, do te ushtohen pa pasur nevojen e nje licence. Kjo eshte nisma me e re qe miratoi qeveria diten e djeshme, ne kuader te liberalizimit te lejeve dhe licencave, por duke prekur kesaj radhe nje shtrese profesionesh me delikate dhe qe bejne pjese tek sherbimet jetesore. Por kryeministri Berisha, pergjate mbledhjes se qeverise shpjegoi se mbajtesit e ketyre profesioneve do te jene te detyruar t'i nenshtrohen nje provimi perfundimtar ne fakultetet perkatese, i cili do t'u jape te drejten qe te ushtrojne ne menyre te pavarur, profesionet e tyre. Sipas kreut te ekzekutivit, eshte interesi i qytetareve dhe mangesia ne ligj, ajo qe e detyron qeverine te vendose forma te reja per ushtrimin e ketyre profesioneve. "Duke adaptuar standardin me liberal dhe duke hequr licencat per keto profesione, si ai i mjekut, farmacistit, avokatit dhe nje seri profesionesh te tjera, interesi publik kerkon qe keto profesione, ne raport me publikun, te jene te rregulluara me ligj pergjegjesite qe rrjedhin, kodi etik dhe profesional qe jane te detyruara te zbatohen ne marredheniet e tij me qytetaret shqiptare", deklaroi Berisha. Ne menyre te detajuar kryeministri foli ne lidhje me provimin perfundimtar, i cili do te jete i detyrueshem per cdo student qe kerkon te ushtroje profesionin e mjekut, farmacistit, juristit dhe disa profesioneve te tjera, me rendesi prioritare per jeten e qytetareve. Sipas Berishes, ky provim perfundimtar i cili te jep te drejten e ushtrimit te profesionit, eshte praktike qe zhvillohet ne cdo vend te botes. "Vertet mbaron shkollen, por ke nevoje qe para se te marresh te drejten e ushtrimit te profesionit, te besh nje praktike ne nje kohe te caktuar. Nje praktike te tille e bejne mjeket, te cilet nuk e ushtrojne profesionin pa nje stazh praktike prane nje klinike apo mjeku me eksperience, por tani kjo kodifikohet", vijoi Berisha. Sipas tij, ne cdo vend te botes perpara se te ushtrosh profesionin e te njihesh si profesionist ne ate fushe, jep edhe nje provim. Ne lidhje me provimin, kryeministri deklaroi se do te behet ne universitete dhe do te jete dixhital, per te shmangur ne kete menyre edhe korrupsionin pergjate dhenies se provimit. "Ne nuk mund te vendosim provime te tjera pervec provimit dixhital, qe eshte plotesisht i mundshem. Modele te tilla ekzistojne ne Shtetet e Bashkuara dhe ne vende te tjera. Ne e kemi kete jetike, per te shmangur korrupsionin", deklaroi Berisha. Ne kete kuader, ai i porositi ministrat qe mbulojne me specialist deget e fakultetit, te filloje me seriozitetin me te madh pergatitjet per standardet e provimit te shtetit. Kryeministri tha se nje procedure e tille do te aplikohet, ashtu sikurse po veprohet me provimet ne shkollat e mesme, Ministria e Arsimit dhe ministrite respektive si Ministria e Puneve Publike, Transportit dhe Telekomunikacionit per profesionet e inxhinierit, arkitektit, urbanistit etj., duhet te filloje me seriozitetin me te madh, pergatitjet per standardet e provimit te shtetit.

"Te diplomuarit, do te jene te cliruar nga paragjykimet"

Nisma e fundit e qeverise per heqjen e licencave per profesione si ai i mjekut, avokatit, farmacistit, urbanistit, inxhinierit, arkitektit etj, behet ne kuader te perqasjes se legjislacionit te vendit tone, me ate te vendeve evropiane dhe me gjere. Po keshtu kryeministri Berisha, deklaroi ne mbledhjen e qeverise se kjo nisme i clironte studentet nga cdo lloj paragjykimi. Berisha theksoi se ata ishin te lire qe pas marrjes se diplomes se universitetit te punonin ne cdo sektor. "Ne kete menyre, ne realizojme edhe nje standard ne interesin me te mire te publikut, por absolutisht, edhe ne interesin e te diplomuarve, te cilet pasi kane dhene me sukses provimin dhe kane bere praktiken, jane te cliruar nga cdo lloj paragjykimi qofte ne sektorin publik, qofte ne ate privat", deklaroi Berisha. Ne menyre te here pas hershme, qeveria ka miratuar nisma te cilat i heqin lejet dhe licencat nje sere profesionesh me rendesi te vecante.