Mjeket paralajmerojne nderprerje 1-ditore

Mjeket e Qendres Spitalore Universitare "Nene Tereza" pohojne se do te pershkallezojne greven nga njeoreshe ne njeditore, nese kerkesat e tyre nuk plotesohen. Sipas mjekeve, qe kane firmosur edhe platformen me kerkesa, te cilen ia kane paraqitur Kryeministrit te vendit. Sipas bluzave te bardha, nese keto kerkesa nuk do te merren parasysh, atehere grevat do te jene njeditore, qe do te thote se cdo dite te hene QSUT do te pushoje se funksionuari. "Kjo greve ka per qellim reformen e thelle qe duhet te behet ne QSUT. Pas plagosjes se kolegut tone dhe pasigurise qe eshte ne pune, por edhe kushtet e veshtira ne te cilat ne punojme, eshte e nevojshme qe kjo iniciative e marre te vazhdoje. Nese kerkesat nuk merren parasysh, atehere do te pershkallezojme edhe protestat njeditore", kane pohuar shefat e sherbimeve, te cilet kane pergatitur edhe platformen per ndryshimin e sistemit shendetesor. Kjo platforme parashikon reformimin e sistemit shendetesor, hartimi i nje ligji qe te mbroje mjeket, status te vecante per QSUT-ne, si dhe dyfishimin e pagave. Nderkohe qe kane kerkuar qe politika te heqe dore nga shendetesia, duke mos e politizuar ate ashtu sic ka ndodhur deri me tani. "Ne vuajme mungesen e reformave, sepse asnje qeveri, pavaresisht ngjyres e programit, nuk ka menduar te beje nje reforme te thelle te sistemit shendetesor. Reforma shendetesore vdes ne faqet e programeve elektorale, te nesermen e zgjedhjeve politike", jane shprehur shefat e QSUT-se. Sipas tyre, nderrimi i shpeshte i drejtuesve te QSUT-se, sidomos kur nderrohet nje minister ne mes te nje mandati, eshte edhe shkaterrimi qe i behet QSUT-se.

Ivanaj: Jemi ne negociata me shefat

Ministria e Shendetesise eshte duke negociuar dhe vazhduar takimet me shefat e sherbimeve te Qendres Spitalore Universitare "Nene Tereza" per zgjidhjen e kerkesave qe keta te fundit kane paraqitur. Sipas zv/ministrit te Shendetesise, Arben Ivanaj, nje grup pune eshte ngritur ne kete institucion per zgjidhjen e problemeve. "Cdo dite jemi duke kryer takime me mjeke dhe shefa te sherbimeve per platformen qe ata kane paraqitur. Ajo qe ne kerkojme te bejme eshte nje reformim i sistemit shendetesor, i cili ka nisur me kryerjen e tre ligjeve kryesore, qe jane hartuar gjate ketij viti", ka pohuar Ivanaj. Sipas tij, shefat e pavijoneve jane shkencetare dhe jo politikberes te sistemit shendetesor, ndaj kerkohen eksperte te fushes per kryerjen e tyre. Aktualisht, deri me sot, Ministria e Shendetesise ka hartuar tre ligjet kryesore te shendetesise, ate te Kujdesit Shendetesor, Ligjin e Financimeve dhe Ligjin per Sherbimin Stomatologjik, te cilat jane pjese e ndryshimit te sistemit shendetesor. "Ligjet qe sapo jane hartuar jane ato qe do te ndryshojne sistemin tone shendetesor, pasi nuk ka menyre tjeter qe ai te ndryshoje", ka theksuar zv/ministri i Shendetesise. Nderkohe qe ankesat e mjekeve per mungese te medikamenteve dhe te aparaturave kryesore, zv/ministri i sheh te drejta, por mundesite e buxhetit jane te pakta per te bere blerjet e tyre, te cilet jane edhe te kushtueshem. Sipas Ivanajt, zgjidhja e problemeve pritet te jene ne nje kohe shume te shkurter, nderkohe qe kjo do te sjelle edhe pezullimin e protestave. Nga ana tjeter, mjeket vazhdojne te kercenojne me protesta nese kerkesat e tyre nuk plotesohen.