Moisiu: Reforma, paga me te larta per mjeket

Reforma spitalore, zbatimi i se ciles ka nisur ne daten 1 janar, me perfshirjen e 42 spitaleve ne vend ne skemen e Sigurimeve Shendetesore, pritet te sjelle ndryshime pozitive ne drejtim te cilesise se sherbimit shendetesor ndaj pacienteve, por edhe per vete mjeket. Drejtoresha e Spitalit Obstetrik Gjinekologjik "Koco Gliozheni" ne Tirane, Rubena Moisiu, ka pohuar se kjo reforme do te sjelle ndryshime pozitive, persa i perket sherbimit ndaj pacienteve, por edhe per vete mjeket. "Ky hap pritet te sjelle paga me te larta per mjeket, kushte me te mira pune per ta dhe shperblime, nga realizimi i te ardhurave dytesore, cka do te coje ne rritjen e cilesise se sherbimit shendetesor", theksoi Moisiu. Sipas saj, kjo do te ndikonte dhe ne ceshtjen e 'korrupsionit', apo mitmarrjes, tek bluzat e bardha. Tashme, kjo reforme eshte ne fazen parapergatitore, nderkohe qe kontratat midis Institutit te Sigurimeve te Kujdesit Shendetesor dhe spitaleve ne vend, do te lidhen brenda muajit mars. Moisiu vlereson menyren e vetemenaxhimit te spitalit, si efikase per plotesimin e nevojave qe ka vete spitali. "Nepermjet skemes se vetemenaxhimit, spitali do te plotesoje me mire nevojat e veta, pasi pikerisht ai, i di me mire keto. Nese spitali do te plotesoje nevojat e veta, kjo do te sjelle cilesi sherbimi me te mire ndaj pacienteve, te cilet nuk do te blejne me medikamente jashte spitalit, por dhe nuk do te perballen me me probleme te tjera", tha drejtoresha e spitalit "Koco Gliozheni".