Montezemolo, gure dhe lule per Raikkonen
Presidenti i Ferrarit, Luca di Montezemolo shfaqet kontradiktor ne deklaratat e tij ndaj pilotit finlandez Kimi Raikkonen, i cili kete sezon ishte hija e vetvetes.
“Je ti Kimi apo ndonje shoku tend qe vitet e fundit ka garuar per Ferrarin? Sipas meje ke qene pak i lodhur dhe ke lene nje shokun tend te garoje ne vendin e lene bosh”, u shpreh me ironi pak kohe me pare bosi i skuderise nga Maranello.
Por pak dite me vone, eshte perseri Montezemolo qe korrigjon gjithcka, duke thene: “Nuk duhet te tallemi pasi Kimi ishte kampion bote deri ne garen e fundit. Na ndihmoi ne fitoren e titullit per konstruktore pasi piket e tij ishin vendimtare. Me gjithe respektin qe kam per Lewis Hamilton, i cili eshte nje pilot i jashtezakonshem, jam i kenaqur nga pilotet e mi pasi jane cifti me i mire ne bote”.
Ne vijim te deklarates, Montezemolo ka shkeputur nje mendim edhe per boterorin per pilote, duke theksuar se mrekullite ndodhin rralle, prandaj edhe jane magjike. “Eshte e veshtire qe mrekullite te perseriten edhe pse ne Brazil me Massa-n iu afruam shume. Une mendoj se ne historine e Formula 1 asnje boteror nuk eshte vendosur ne kthesen e fundit te gares se fundit”, shton Montezemolo, duke pohuar me humor, “theva televizorin ne perfundim te gares, duke trembur familjen time qe ndodhej ne dhomen tjeter”.