Morgu, dera e tmerrit per familjaret
Dhjetera familjare dhe te aferm me fytyre te prere kane pritur daljen e listes se personave te cilet kane humbur jeten ne tragjedine e ndodhur ne Gerdec te Vores. Identifikimi i kufomave ka qene i veshtire per mjeket ligjore por edhe per familjaret per shkak te demtimeve te medha qe kishin marre dhe djegieve te grades se fundit. U eshte dashur me shume se nje dite qe mjeke dhe familjare te mesojne te verteten per personat e pajete qe ndodheshin brenda asaj dere te hekurt. Ulerima te forta, lot, gjendje te fikti per ata qe degjonin emrin e te afermve te tyre. Buzeqeshje per ata qe prisnin dhe nuk degjuan emrin e familjarit te tyre te zhdukur. Me shprese se ai eshte gjalle ne nje nga spitalet e vendit apo qendrat e strehimit, nje pjese e familjareve iknin te gezuar, te pakten vellai, motra, babai apo nena e tyre nuk ishte brenda deres se hekurt te morgut. E ndersa per ata qe mbeten aty, ai eshte edhe momenti me i veshtire. Presin me ankth per emrin qe do te thirret, emri i kufomes, dhe familjaret futen brenda per ta marre trupin. E ne keto momente pritjeje mendojne se si do te lajmerojne ata te aferm te tjere te cilet nuk jane ne gjendje te mire shendetesore. Mundohen te pergatisin situatat, por ato shume lehte kuptohen, tragjedia ka perfshire gjithe zonen dhe cdokush prej tyre e mendon te keqen qe kur nje prej familjareve rezulton i zhdukur. "I afermi jone ka humbur jeten, nga ana tjeter edhe femijet e tij jane te shtruar ne spital. Me te vertete na duhet nje force e madhe per perballimin e ketyre situatave te veshtira"pohon nje prej familjareve. Sipas tij, prej dy ditesh kane qe presin per te mesuar emrin e te vdekurit por ka qene shume i veshtire identifikimi i tij. Duket se vetem burrat jane ata qe kane mundur te perballojne dhimbjen e rende, dhe po keshtu ata qe presin te marrin dhe te transportojne trupat e te afermve te tyre.
Gjendja, ne "pritje”
Mjeket ligjore, ne asnje moment qe nga shperthimi e deri gjate oreve te vona te dites se djeshme nuk kane pushuar se punuari. Pas identifikimit te 9 personave te vdekur, perseri kane qendruar ne pune per te pritur raste te tjera nese do te kishte. Duke ditur se ne zonen ku ndodhi shperthimi punohet nga forcat speciale per kerkim te te mbijetuarve apo mund te gjendeshin te tjere trupa nen rrenoja, mjeket ligjore kane pranuar te punojne pa kufi. Sipas tyre nese do te kete perseri raste te kufomave, per shkak te demtimeve, identifikimi i tyre mund te behet vetem gjate dites se sotme.