Mosfunksionimi i KQZ ne menyre te plote shqetesim per SHBA

Ambasadori i SHBA-së, Aleksandër Arvizu zhvilloi sot një takim informal në selinë e Partisë Socialiste me kreun Rama. 
Në përfundim të këtij takimi, ambasadori amerikan zgjodhi që të shprehë para mediave shqetësimin e kësaj ambasade për mënyrën sesi po funksionon Komisioni Qendror Zgjedhor.  
“SHBA po ndjek me shumë vëmendje çdo deklaratë që vjen nga liderët e partive për këtë çështje, por pavarësisht deklaratave, palët janë ende larg një marrëveshjeje. Unë mendoj se rregullat e lojës e përcaktojnë se të dyja palët duhet të bashkëpunojnë. Ne kemi pasur kontakte të ngushta me të por nuk mund të japë një informacion specifik. Jemi të interesuar për funksionimin e plotë të KQZ-së dhe kushtetutshëmrinë e saj”, vlerësoi Arvizu.
Nga ana e tij, deputeti i PS-së, Damian Gjiknuri bëri me dije se kjo parti është e hapur për çdo zgjidhje të ligjshme për Komisionin Qendror të Zgjedhjeve
Sipas tij, KQZ duhet të kthehet në Kuvend sepse aty u shkel ligjshmëria e këtij institucioni.