Mosmarreveshje ne Qeveri, por jo ne Kuvend

Disa zhvillime te fundit ne Maqedoni, sic jane tentimi per ndertimin e kishes ne sheshin e Shkupit, por jo edhe xhamia, vendimi i ministrit te Arsimit qe maqedonishtja te jete e detyrueshme per nxenesit shqiptare te klases se pare dhe procesimi i rasteve te Hages, kane shkaktuar mospajtime te thella midis partnereve te koalicionit qeveritar. Por, sipas krereve te grupeve parlamentare te dy partive qeveritare, VMRO-DPMNE dhe Bashkimi Demokratik per Integrim, mospajtimet e tilla nuk ndikojne ne efikasitetin e punes se Kuvendit.
Kryetari i Grupit Parlamentar te BDI-se, Tahir Hani, thote se bashkepunimi ne nivel parlamentar me VMRO-DPMNE-ne eshte i suksesshem: "Nuk ka ndonje reflektim serioz ndaj bashkepunimit midis Grupit Parlamentar te VMRO-DPMNE-se dhe BDI-se, por nenkuptohet qe ne punen e Kuvendit mund te kete nje reflektim pak a shume jo te mire. Per cdo propozim-ligj ose akt tjeter qe do te miratohet ne Kuvendin e Maqedonise, ne i harmonizojme qendrimet dhe ky parim funksionin", thote Hani.
Ndersa, koordinatorja e Grupit Parlamentar te VMRO-DPMNE-se, Silvana Boneva, thote se koalicioni midis VMRO-DPMNE-se dhe BDI-se, ne nivel parlamentar, funksionon pa kurrfare problemesh. "Per te gjitha mospajtimet, apo qendrimet e ndryshme, ne bisedojme me koleget e BDI-se dhe i respektojme mendimet e tyre, ndersa ne i themi argumentet tona dhe me kalimin e kohes, me ane te bisedimeve, i afrojme qendrimet", thekson Boneva.
Mospajtimet brenda koalicionit qeveritar midis VMRO-DPMNE-se dhe BDI-se kane ekzistuar edhe me pare. Por, ato u bene me te dukshme pas paralajmerimeve te zyrtareve te Bashkimit Demokratik per Integrim per zgjidhjen e statusit te ish-luftetareve te Ushtrise Clirimtare Kombetare deri ne fund te vitit te kaluar dhe pas vendimit te fundit te ministrit te Arsimit, Nikolla Todorov, qe nxenesit shqiptare te mesojne maqedonishten qe nga klasa e pare. RFE