Moti, kthehen ditet e ftohta

Rikthehen serish temperaturat e uleta, nen zero grade celsius. Meteorologet megjithese parashikojne qe t'i gezohemi nje fundjave me mot te kthjellet, problematike serish do te mbeten temperaturat e uleta, te cilat ne zonat malore, do te arrijne deri ne -7 grade Celsius. Por me gjithe kete situate termike, e cila shenon vlera teper te uleta, nuk do te kete reshje shiu apo debore, si ato te dy javeve me pare, qe sollen dhe mjaft probleme, deri ne bllokimin e 14 komunave ne zonen verilindore te vendit. "Moti do te jete pothuajse i kthjellet ne te gjithe territorin. Me problematike jane temperaturat te cilat qe nga dita e premte, kane pesuar nje renie dhe kjo tendence do te vijoje edhe gjate fundjaves. Ne zonat malore temperaturat do te bien deri ne minus gjashte apo minus shtate grade Celsius, ndersa temperaturat e mesdites do te ngjiten deri ne tre apo kater grade" ka pohuar sinoptikania Tanja Porja. Megjithate te gjithe ata qe do te qarkullojne me automjetet e tyre ne akset e zonave malore, sipas meteorologeve duhet te kene kujdes, pasi ngricat do te jete te pranishme, gjate oreve te para te mengjesit. "Duke qene se temperaturat kane pasur nje tendence renie gjate ketyre diteve dhe reshjet e rena ne zonat malore, kryesisht ne veri dhe ne lindje me keto temperatura, situata do te jete shume problematike, kryesisht per trafikun rrugor", vijoi Porja. Per sa i perket eres, ajo do te arrije ne 25 km ne ore, duke mos arritur te krijoje dallge ne det. Nderkohe gjate dites se djeshme temperaturat me te uleta jane shenuar ne Kukes, Peshkopi dhe Puke me nga minus 3 grade Celsius. Kurse qyteti me i ngrohte per fundjaven ka qene ai Vlores, ku temperatura minimale eshte shemuar 7 grade Celsius dhe ajo maksimale deri ne 14 grade. Sipas meteorologeve gjate javes se ardhshme, pritet kalimi i ndonje vranesire shiu, ne zonen perendimore dhe veri-perendimore, por ajo do te jete lokale dhe nuk do te ndikoje ne uljen e temperaturave.