Moti, temperatura te uleta edhe javen e re

Rryma te ftohta e te thata me origjine veriore do te mbajne te pushtuar vendin gjate gjithe javes se re. Duke nisur nga 24 oreshi i ardhshem e me tutje, pavaresisht vranesirave sporadike, moti parashikohet te jete pa reshje por me temperatura te uleta. "Dita e diele parashikon vetem nje rritje te lehte te temperaturave ne dy grade per sa u perket atyre minimale. Me pas keto vlera do te ruhen gjate gjithe javes me luhatje te vogla" pohojne sinoptikanet. Sipas tyre, ngrica do te jete nje element, i cili duhet te kihet ne vemendje sidomos nga drejtuesit e automjeteve, per oret e mengjesit dhe mbremjes. Sipas Sherbimit Meteorologjik te Meteoalb, zona verilindore dhe juglindore nga mesi i javes mund te preken nga reshjet e dobeta te shiut e te bores. Por, ardhja e ketij sistemi te ri vranesirash, nuk do te mund te mbizoteroje pjesen tjeter te territorit, ku atmosfera do te vijoje te jete e kthjellet por me temperatura te uleta dhe te acarta. Duket se muaji shkurt do te mbyllet me nje dimer te vertete.