"Mozaik" kulture në Tiranë

Ambasada të shteteve të ndryshme, të pranishme në Tiranë, kanë si pjesë të aktiviteteve të tyre vjetore një javë kushtuar kulturës. Nesër nis java kulturore austriake, e quajtur edhe "Mozaik". Një projekt që i kushtohet më së shumti interpretimit muzikor, por pa mënjanuar edhe ekspozitat e pikturës apo performancën audiovizuale që do të organizohet në hotel "Dajti", në bashkëpunim me bienalen e Tiranës. I nisur që në vitin 2007, ky festival është një projekt kulturor dhe arsimor i realizuar me mbështetjen e Ministrisë së Marrëdhënieve Europiane dhe Internacionale Austri. I vendosur në disa hapësira në Tiranë, aktivitetet e këtij festivali nxitin një dialogim mes publikut, pedagogëve e studentëve të gjinive të artit. "Mozaik" do të organizohet deri në datën 18 tetor.