Muca: Nuk “thyhemi” dy here
Ne stervitjen, qe u ka zhvilluar ne oret e mesdites se djeshme djemve te tij, kreu i pankines bardheblu, tekniku Shkelqim Muca, i ka dhene "doren e fundit" skuadres per transferten e sotme me Kastriotin ne Kruje. "Natyrisht, - u shpreh ai, - dihet qe ne kete takim ekipit tone do t'i mungojne, Muka e Duro, dy nga lojtaret kryesore te formacionit. Por, gjithsesi ne i kemi marre masat e duhura per zevendesimin e tyre ne sektorin e mesfushes. Pra ne kete drejtim tashme jemi te qete. Lojtareve, qe do te aktivizohen ne vend te Mukes e Duros, detyrat ua kemi bere te qarta. Porosite ua kemi dhene te gjitha, por megjithate do t'ua perserisim edhe nje here sot para fillimit te ndeshjes. Nderkohe lidhur me ndeshjen dua te them qe ne Kruje nuk do te "thyhemi" per se dyti", ka mbyllur deklarimin e tij tekniku Muca, kurse emrat e atyre, qe do te luajne ne vend te dy fantazisteve nuk na i ka bere prezent.
Sefa e Capja ne vend te Mukes e Duros
Gjithsesi, nga ajo qe kemi vezhguar ne seancat stervitore te kesaj jave, si edhe nga burime brenda klubit bardheblu, qe nuk duan te indetifikohen ne vend te Mukes e Duros, qe nga minuta e pare sot ne "Kastrioti" te Krujes do te zbresin Sefa e Capja. Fantazisti i vogel i bardhebluve, 20-vjecari Jetmir Sefa, do te qarkulloje topin ne ndertimin e manovres sulmuese. Nje detyre kjo, te cilen ai e ben ne radhet e ekipit kombetar, Shpresa U-21. Kurse Hetlem Capja, vecmas detyres per shkaterrimin e ofensives se vendasve, do te jete disi i avancuar dhe do te luaj me prane dy sulmuesve Sinani e Abazaj. Vitin e kaluar tek Elbasani kampion, ky ka qene roli kryesor i tij.
Mesfusha nen "komanden" e Bulkut
Nderkohe, qe Bakalli do te alternohet me shpejtesi sa ne te djathte e ne te majte ne bashkeveprim te vazhdueshem me dy "pistonat" e kraheve, Allmuca e Abraham, gjithcka ne mesfushen e bardhebluve, do te jete nen "komanden" e "polivalentit" Ervin Bulku. Keshtu sot ne "Kastrioti" te Krujes, djali i "arte" i bardhebluve do t'i shtoje edhe nje tjeter rol vargut te detyrave, qe ka kryer deri tani per skuadren sipas situatave, qe jane krijuar nga rrethana te caktuara. I mesuar tashme per te mos thene kurre jo, Bulku, theksojne burimet, ka marre persiper qe sot pas kryerjes se kesaj detyre te re te kthehet fitimtar nga Kruja. Aq me teper ka gjasa te ndodhe keshtu shtojne te njejtet burime, kur dihet qe prapa shpines se tij "polivalenti" i bardhebluve ka nje "bariere" te sigurt e te pakalueshme, dyshen Dede Pisha.
Sinani "ndeshkuesi" i Kastriotit
Nga 18 golat, qe ka realizuar deri tani "bomberi" i kampionatit te 68-te, shkodrani i bardhebluve Vioresin Sinani, 4 prej tyre, pra me shume se cdo ekipi tjeter i ka shenuar ne porten e skuadres krutane. Keshtu ne takimin per javen II te kampionatit me 9 shtator 2006, ne ate fitore te thelle te bardhebluve, 7-3, Viori ka realizuar te vetmen "triplete" te tijen ne kete sezon. Kurse ne transferten e 25 nentorit po te vitit te kaluar ne javen XIII, ka shenuar golin e pare te takimit, qe eshte shvleftesuar ne minutat permbyllese te takimit nga dy golat e krutaneve, qe kane permbysur gjithcka ne 2-1 per Kastriotin e tyre. "Nuk diskutohet,- thote Viori, - qe do te jete nje ndeshje shume e forte, por ne do te luajme me objektivin per te fituar". Nderkohe, objektivin vetjak per ta kaluar sferen tej vijes se katerkendorit te portes krutane, nuk na e ka deklaruar.
Abazaj e Turdiu kthimi ne "shtepi"
Kane kaluar me shume se tre muaj qe nga ajo dite, kur dy futbollsitet e talentuar, sulmuesi Oriand Abazaj dhe mesfushori Erald Turdiu u larguan nga Kastrioti per fanellen bardheblu te Tiranes. Keshtu qe rrugetimi i tyre neser drejte Krujes do te jete, si nje kthim ne "shtepi". Themi keshtu ngaqe nen fanellen e Kastriotit, si Abazaj ashtu edhe Turdiu spikaten jo pak.
Marre nga gazeta Sport Ekspres
Shkrimi origjinal