Mungon avokati, gjykata cakton 7 prillin per vendim

Vlore- Mungesa e avokatit mbrojtes, shtyn seancen gjyqesore per vendimin ndaj kryebashkiakut te Himares, Vasil Bollano, i akuzuar per "shperdorim detyre". Petraq Curri nuk eshte paraqitur dje ne Shkallen e Pare Vlore, per te lexuar pretendimet ne lidhje me pretencen e prokurorit Sokol Malaj, dhene nje seance gjyqesore me pare. Ndersa ne oren 10:00 pritej te niste gjyqi, konstatimi i mungeses se avokatit ka detyruar trupin gjykues, te shtyje seancen per ne daten 7 prill te ketij viti, qe perkon me 70-vjetorin e pushtimit te vendit nga Italia fashiste. Prokuroria kerkoi denimin me nje vit burg dhe 5 milione leke gjobe, ndaj kryebashkiakut, qe akuzohet per shkuljen e tabelave ne gjuhen shqipe ne aksin Qeparo-Llogara dhe tentativen per t'i kthyer ne gjuhen greke. Per vendosjen e tabelave eshte organizuar tenderi prej 5,3 milione lekesh nga Ministria e Puneve Publike, Transportit dhe Telekomunikacionit, me objekt vendosjen e sinjalistikes rrugore ne aksin rrugor Orikum-Himare-Sarande-Butrint.

O.Hila