Policia publikon grabitesit e pensioneve

Lezhe- "Nxehet" Policia e Lezhes, publikohen emrat e autoreve te dyshuar, per grabitjen e bujshme te 5 milione lekeve te Postes, dy jave me pare perballe Bankes Kombetare Tregtare. Nje prej autoreve eshte prangosur ne nje hotel ne Golem te Kavajes, mengjesin e djeshem, ndersa dy te tjeret kane mundur te arratisen pa rene ne pranga. Tre te dyshuarit jane te proceduar penalisht me pare per grabitje, nderkohe qe policia, ndersa here te tjera ka kritikuar gazetaret per nxjerrje sekreti, e publikim te emrave te te kerkuarve pas ngjarjeve, dje ka shkelur vete kete parim te denueshem sipas Kodit Penal. Elton Gjini, 38-vjec, qe disa dite para grabitjes kishte ndryshuar emrin ne Gjergji, eshte arrestuar, kurse Enver Diva, 30-vjec, nga Mamurrasi dhe Florind Marku, 24-vjec, nga Lezha, te sapo liruar nga qelia, ku kane vuajtur 12 dhe 7 vite burg po per grabitje, u shpallen ne kerkim. Policia publikoi pas operacionit te koduar "Vodafone", edhe fotot e tyre. Per Gjinin u deklarua se ishte organizatori i grabitjes spektakolare te pensioneve, ne bulevardin "Gjergj Fishta" te Lezhes, ndersa ka qene i denuar ne Itali per grabitje dhe i dyshuar per vrasje. Pas depertimit ai kishte ndryshuar emrin dhe planifikuar goditjen e radhes me dy bashkepunetoret e tjere, te njohur si profesioniste.

Pas deshtimeve te herepashereshme per te kapur autoret e dyshuar te grabitjes, qe ishin lokalizuar fale pergjimeve telefonike, ka bere qe policia vendore te dale dje ne nje deklarate per shtyp me ane te kreut te saj, mergim Hoxha. Kryepolici njoftoi se duke zbardhur dita e djeshme eshte kapur ne nje hotel ne Golem te Kavajes, i kerkuari Elton (Gjergji) Gjini, organizatori dhe "truri" i grabitjes se armatosur me maska. Ai fshihej prej disa ditesh ne kete zone, kurse bashkepunetoret e tij nuk kishin dale dot nga zona e Lezhes. Sipas hetimeve te kryera, te dyshuarit ishin takuar disa dite para se te kryenin grabitjen e 5 milione lekeve ne mes te dites, dhe kishin vendosur te kryenin sulmin. Me pare kane marre informacionin per terheqjen e parave dhe ende nuk eshte zbuluar personi qe ua ka servirur keto te dhena. Para se te kryenin grabitjen, ata kane pritur 30 minuta dy punonjesit e Postes dhe policin qe i shoqeronte, per t'i sulmuar me arme dhe grabitur. Nderkohe qe bashkepunetoret e Gjinit, ishin liruar dy muaj me pare nga qelia dhe njiheshin me njeri-tjetrin, pasi kishin vuajtur burg po per krimin e grabitjes me arme. Kryepolici Hoxha tha se Enver Diva, ishte denuar me 12 vjet burg, kurse Florind Marku me 7 vjet heqje lirie. Mendohet se ne kete grabitje kane ndihmuar edhe persona te tjere, emrat e te cileve policia nuk i beri te ditur, por tha se jane identifikuar.

Nga djegia e makines, tek arratisja

Makina me te cilen u krye grabitja, qe me pas u gjet e djegur vetem 5 km

larg qytetit te Lezhes, ne fshatin Tresh, se bashku me pamjet filmike te sekuestruara nga kamerat e bankes, ka qene edhe orientimi i policise per gjetjen e autoreve. Pasi jane

shoqeruar ne polici persona te ndryshem si te dyshuar, dyshimet kryesore jane perqendruar tek tre te rinjte. Per zbulimin e tyre kane sherbyer pergjimet telefonike, ndaj dhe operacioni eshte koduar "Vodafone". Nderkohe qe nje prej aksioneve te specialeve te RENEA-s diten e diel, kishte deshtuar.

Elton (Gjergji) Gjini

38-vjec, banues ne Lezhe

I denuar ne Itali per grabitje

I proceduar ne Shqiperi per grabitje

Enver Diva

39 vjec, banues ne Fushe Mamurras

Liruar 2 muaj me pare nga burgu

I denuar me 12 vjet burg per grabitje

Florind Marku

25 vjec, banues ne Lezhe

Liruar 2 muaj me pare nga burgu

I denuar 7 vjet burg per vjedhje me arme