NTV tërheq raportin rreth torturave në Çeçeni

Televizioni kombëtar i Rusisë, NTV, i cili kontrollohet nga Gazpromi, ka pranuar se ka tërhequr një raport rreth torturave dhe rrëmbimeve të kryera nga policia në Çeçeni.

NTV ka transmetuar dokumentarin për gjendjen e çeçenit islamist Umarpashajev, që ishte rrëmbyer nga policia në shtëpinë e tij, por raporti më pas është hequr nga transmetimi.

Dokumentari është shikuar të dielën në mbrëmje në Lindjen e Largët të Rusisë - tetë zona kohe larg nga Moska - por u hoq nga transmetimi në mbrëmje, në kulmin e shikimit në Rusinë qendrore.

Një zëdhënëse e NTV-së tha se menaxhmenti vendosi se disa pjesë duhej të ripunoheshin dhe disa prej fakteve në dokumentar të kontrolloheshin sërish.