Naftetaret ne proteste policia liron porten e kompanise

Rinisin protestat e naftetareve te kompanise Albpetrolsh.a.. behet fjale per qindra punonjes qe nuk jane paguar prej disa muajsh por edhe ata qe i ka prekur reforma me e fundit e aplikuar ne kompanine e naftes. Mengjesin e se henes mbi 60 naftetare i jane drejtuar godines se Drejtorise se Pergjithshme te kompanise. Me thirrje dhe pankarta ne duar ata kane kerkuar rishikim te reformes si dhe marrjen e pagave te prapambetura. Fillimisht grupi i protestuesve eshte perqendruar ne nje rruge prane godines se Albpetrolit dhe me pas i eshte drejtuar portes kryesore. Ata kane kerkuar takim me drejtuesit e kompanise te cilet ashtu si dhe ne protesten e javes se kaluar nuk kane denjuar te marrin takim me naftetaret. Protestuesit jane shprehur per gazeten Shqip se kerkojne rishikim te reformes qe po aplikohet ne sektorin e naftes. Sipas tyre personat e prekur prej saj po godinen politikisht dhe per ta nuk po respektohen kriteret. Nuk behet fjale se po dalim nga puna pasi do privatizohet kompania por ne po goditemi politikisht. Emrat tane ne listen e te shkurtuarve po i vendosin kreret e partive politike te cilet po kerkojne me ngulm daljen tone nga puna ka akuzuar Aguri nje nga naftetaret protestues. Protesta e se henes ka zgjatur per me teper se tri ore dhe eshte dashur nderhyrja e policise se rendit qe turma te largohej nga porta kryesore e kompanise. Policia private qe ruan Albpetrol ka kerkuar ndihmen e policise se rendit e cila ka dhene mbeshtetjen e saj. Naftetaret kane paralajmeruar se do te vijojne protestat e tyre madje me forma me te ashpra. Pritet qe brenda ketij viti te largohen nga puna afro 2000 naftetare. Nderkohe qe per pese vjet numri i naftetareve te dale ne reforme ka qene afro 4 000.