Protestat e Hamallajt burg pa afat per gjimnazistin

Gjykata ka lene ne burg gjimnazistin e ndaluar per ngjarjen e Hamallajt. Ne Gjykaten e Durresit eshte zhvilluar seanca per vleresimin dhe caktimin e mases se sigurise ndaj 18-vjecarit Altin Lleshaj lindur ne Mirdite dhe banues ne Hidrovor-Hamallaj te Sukthit. Ndonese mbrojtja ka kerkuar lenien e tij te lire me detyrim paraqitjeje per te mos shkaktuar dhe probleme ne ecurine e tij arsimore gjykata ka vendosur ta lere ate ne qeli ndersa vazhdojne hetimet. Altin Lleshaj u ndalua te premten e kaluar ndersa ishte shpallur ne kerkim prej 2 muajsh si i perfshire ne rebelimin e banoreve te Hidrovor-Hamallajt ndaj aksionit te ndertimoreve te kryesuar nga Bojaxhi per prishjen e objekteve pa leje ne fshatin ku eshte projektuar ndertimi i resortit turistik Newborn. 18-vjecari nxenes i shkolles se mesme te Sukthit u ndalua ndersa ishte ne mesim ne zbatim te urdher-ndalimit te nxjerre nga Prokuroria e Rrethit Gjyqesor Durres me 9 korrik nje jave pas ngjarjes.