“Naim Gazidede zgjidhet kryetar i degës së PD-së në Dibër”

Mblidhet Kuvendi i 9-të i degës së PD-së, në Dibër

TIRANE - Kuvendi i 9-të i demokratëve të Dibrës është mbledhur dje për të zgjedhur kryetarin e kësaj dege. Mes katër kandidateve për kryetar të Degës Dibër, Naim Gazidede, Rahim Kaleci, Ilir Hysa dhe Premtim Kryemadhi, fitoi ajo e Naim Gazidedes.
Procesi zgjedhor nuk pati kontestime dhe u administruar me sukses nga komisionet përkatëse, duke shmangur në këtë mënyrë problemet e mundshme që mund të shfaqeshin. Pas numërimit të votave, komisioni i votimit shpalli fitues të garës për kreun e degës së PD Dibër, Naim Gazidede, me 284 vota nga 326 delegatë të pranishëm në këtë kuvend. Kryetari i sapozgjedhur, Naim Gizedede është njëherësh edhe kryetar i Këshillit të Qarkut Dibër. Në fjalën e tij përshëndetëse Gazidede falënderoi mbështetësit për detyrën e rëndësishme dhe të vështirë që i besuan, si dhe siguroi delegatët se Dega e PD-së në Dibër do të forcohet dhe konsolidohet më tej, si garanci për përballimin me sukses të plotë të fushatës elektorale dhe të fitores të sigurt të PD-së në zgjedhjet parlamentare të 28 qershorit. Delegatët e kësaj dege bënë dhe një analizë të punës së bërë nga strukturat drejtuese të Degës së Dibrës, me qëllim përballimin me sukses të fushatës elektorale, në prag të zgjedhjeve.