Napoli tërhiqet për Trezeguet

Napoli duket se e ka humbur interesimin për transferimin e sulmuesit të Herculesit, David Trezeguet.

Menaxheri i futbollistit, Antonio Caliendo, njofton se palët janë në distancë dhe se klubi italian nuk e ka bërë ndonjë hap përpara për transferimin e ish futbollistit të Juventusit.

“Të dyja palët dëshirojnë të bashkohen. Por, për momentin nuk ka asgjë të re rreth negociatave, kjo nuk më bën mua optimist. Napoli do të ishte zgjedhja e preferuar për Trezeguet. Dy klube braziliane kanë bërë oferta për të, por ai nuk i konsideroi ato për shkak se kemi objektiva tjerë”, tha Caliendo për Radio CRC.