Napoli, ushtria nis betejen ndaj mbeturinave
Do te aplikojme menyra radikale per te zgjidhur situaten emergjente te mbeturinave ne Napoli. Keshtu ka deklaruar zedhenesi i kryeministrit italian, Romano Prodi, menjehere pas mbledhjes urgjente te Keshillit te Ministrave lidhur me situaten e krijuar ne jug te vendit. Silvio Sircana konfirmoi se ekzekutivi eshte i gatshem te perballet ne menyre radikale brenda 24 oresh per te zgjidhur situaten. Duke iu pergjigjur akuzave te kryebashkiakes se Napolit, Rosa Russo Iervolino, ai ka thene se nuk eshte momenti per replika, por se te gjithe duhet te veprojne per zgjidhur problemin. Vete Iervolino gjate nje interviste per "SkyTg24", pranoi se situata ne Napoli eshte me te vertete e rende, por sipas saj, kryeministri Prodi ka qene ne dijeni te problemeve ne kete qytet qe prej nje viti. "Kryeministri eshte informuar per mundesine qe situata te degradonte deri ne kete pike, qe ne 11 janar te vitit te kaluar", -ka thene ajo, duke shtuar se nuk mund te jete pergjegjese per gjera per te cilat nuk ka pasur pushtet. Iervolino konfirmoi gjithashtu se, nuk ka asnje dyshim se prapa gjithe situates se krijuar fshihet Camorra, mafia napolitane. Nderkohe, ushtaret italiane kane nisur operacionin masiv per heqjen e 100 mije toneve mbeturinave qe kane bllokuar rruget e Napolit. Djegia e mbeturinave dhe protestat e banoreve kane vazhduar, ndersa zjarrfikesit luftojne nga ana tjeter per te shuar flaket. Gjate fundjaves pati perleshje mes banoreve dhe policise, dhe si pasoje tre persona mbeten te plagosur. Megjithese qeveria urdheroi rihapjen e shkollave, shume pak nxenes kane dale nga shtepite. Sipas analisteve, zgjidhja e kesaj situate do te thote per qeverine "Prodi", nje perballje me mafien napolitane. Camorra ka sabotuar cdo perpjekje te autoriteteve italiane per te ndertuar impiantet e perpunimit te mbeturinave, ne menyre qe Napoli te varet vetem nga landfillet, duke e shnderruar kete ne nje biznes me perfitim te larte.