Ndalohet autokolona e komandantit te KFOR nga serbet ne veri te Kosoves

Protestuesit serbe ndaluan sot autokolonen e komandantit te forcave te NATO-s ne Kosove gjeneralit  Erhard Drews dhe zevendesshefit te EULEX-it Andy Sparks te cilet po synonin te kalonin permes vendkalimit kufitar te Kosoves me Serbine ne veri.

Te dy zyrtaret u kthyen mbrapsht. Protestuesit serbe thane se vetem komandanti i KFOR-it mund te vazhdonte rrugen.  Banoret serbe e akuzojne EULEX-in duke thene se ai nuk tregohet i paanshem ndaj statusit te Kosoves. Javen e kaluar banoret lokale serbe thane se do te zhbllokonin pjeserisht rruget ne veri per te lejuar levizjen e lire te KFOR-it ndersa  levizjen e trupave te EULEX-it e kushtezuan me garancite qe ata te mos transportojne doganieret dhe policine kufitare te Kosoves.

Komandanti i KFOR-it gjenerali gjerman Erhard Drews ka deklaruar se nuk do te lejoje ndarje ndermjet KFOR-it dhe partnereve te tij nderkombetare ne Kosove duke kerkuar levizje te lire ne veri te pakushtezuar.