Nderkombetaret perpjekje per zgjidhje te situates ne Egjipt

Përpjekje për ndërmjetësim në Egjipt ku komuniteti ndërkombëtar është mobilizuar për të gjetur një zgjidhje politike për krizën pas largimit nga posti i presidentit të Morsit. Senatori amerikan Xhon Mekein, i cili kryeson një delegacion të kongresit amerikan, ka bërë apel gjatë një konference për shtyp në Kajro që të gjendet një mënyrë paqësore për stabilizimin e vendit.
Senatori Mekein që ka marrë një mandat të drejtpërdrejtë nga presidenti Obama ka bërë thirrje gjithashtu dhe për ndalimin e dhunës.
Delegatët e huaj po përpiqen që të ndërmjetësojnë mes dy palëve në një mision që duket vërtet i vështirë.
Në sheshin Raba, në qendër të Kajros, vëllazëria muslimane sfidon sërish, pasi me mijëra protestues janë mbledhur sërish për të mbështetur ish presidentin Morsi dhe duke kërkuar dorëheqjen e qeverisë aktuale.