Nderohen me cmime 14 sportistet me te mire te vitit 2009

Aranit Muraci
Organizohen cmime dhe nje feste per sportistet me te mire ne vendin tone, gjate vitit te fundit. Perfaqesues te shumte nga sporte te ndryshme dhe me kontribute te vecanta kane marre ne nje pritje, qe zhvilloi MTKRS dhurata dhe cmime, si dhe jane ndjere te mbeshtetur moralisht per punen e tyre dhe sukseset e arritura. Mes 14 sportisteve, te shperndare sipas suksesit personal gjate vitit 2009, bien ne sy edhe emra te rinj, qe pretojne ne te ardhmen per suksese te tjera. Ne mesdite ministri i TKRS, Ferdinand Xhaferaj shperndau trofe per sportistet me te suksesshem shqiptare gjate vitit 2009. Ceremonia u mbajt ne restorantin "Berlin" dhe pervec drejtuesve te MTKRS dhe Drejtorise se Sporteve, merrnin pjese edhe disa perfaqesues nga federatat sportive shqiptare, qe ishin protagonistet kryesore te ketij takimi. Ne fjalen e hapjes ministri Xhaferaj theksoi: - "Eshte kenaqesi dhe privilegj per mua t'ju pershendes dhe t'ju uroj nga zemra festat e fundvitit. Me lejoni qe me kete rast te shpreh konsideratat dhe mirenjohjen e MTKRS-se, per sportistet tane te cilet i nderojme per arritjet gjate vitit gjate vitit 2009". Vleresimi ndaj emrave te sportisteve qe kane ndertuar profilin e tyre jo vetem ne sportin shqiptar, por edhe ne ate nderkombetar eshte permendur nga ana e ministrit. "Na obligon qe t'i nderojme ata duke respektuar mundin, djersen dhe perkushtimet e tyre, te cilat jane kurorezuar me rezultate te larta, duke ngritur lart flamurin shqiptar dhe emrin e Shqiperise ne bote". Ministri nuk la pa permendur mes te gjithe te pranishmeve, Romela Begajn, sportistrn e spikatur dhe me arritje te larta, ne arenen nderkombetare. "Nder sportet e dalluara do te vecoja ate te peshengritjes, i cili vetem gjate vitit 2009 ka arritur te marre 34 medalje ari, argjendi dhe bronxi. Dua te pershendes ne vecanti, sportisten Romela Begaj, si te vetmen vajze shqiptare me rezultatet me te larta sportive te gjithe koherave. Eshte ne strategjine e MTKRS-se qe t'i jape nje nxitje konkrete zhvillimit te sportit dhe masivizimit te tij, duke e kthyer praktikimin e tij ne nje vlere te rendesishme per shoqerine tone. "Sfidat e perballjes dhe te integrimit do te nxisin energjite krijuese per hartimin e politikave ne sportet kolektive dhe ato individuale, ne rrugen e perbashket per zhvillimin dhe integrimin e Shqiperise ne Evrope", - perfundon Xhaferaj.

Fituesit e trofeve jane:
1- Romela Begaj - Peshengritje
Kampionia e Shqiperise, krenaria e sportit te peshengritjes dhe e vendit tone, fituese e disa medaljeve te arta, ne aktivitetet nderkombetare. Nje nder sportistet me rezultate me larta sportive gjate vitit 2009, medalje e arte dhe kampione e Evropes, vendi i 4 ne boterorin e fundit dhe vendi i gjashte ne Olimpiaden e Pekinit.

2- Erkand Qerimaj - Peshengritje
Mbetet nje nder sportiste elitare te sportit te Peshengritjes dhe perfaqesues dinjitoz i kombit, ne arenen nderkombetare. Qerimaj vetem 21-vjecar ka arritur qe gjate karrieres se tij te shenoje numrin me te madh te medaljeve te marra. Disa here kampion evrope per te rinj dhe per te rritur.

3- Majlinda Kelmendi - Xhudo
Kampione e re kosovar, ne sportin e xhudos, ne peshen 52 kg. Ne Kampionatin Evropian te "Xhudos Junior", zhvilluar ne Jerevan te Armenise, gjate te cilit ajo u fitoi medaljen e arte dhe shpall kampione e Evropes per te reja. Eshte nje sportiste me perspektive, nje shprese e madhe per sportin e xhudos, perfaqesuese dinjitoze e Shqiperise ne aktivitetet nderkombetare.

4-Elis Bakaj - Futbollist
Nje nder sportistet me te dalluar gjate vitit 2010. Futbollist i ekipit te Dinamos dhe i ekipit tone kombetar. Fitues i "Kepuces se Arte" dhene nga Federata Shqiptare e Futbollit. Golashenuesi me mire i sezonit aktual, me 10 gola, dhe nje futbollist me perspektive ne te ardhmen.

5- Sara Abdullai - Notare
Nje nder talentet dhe notaret me me perspektive ne sportin e notit. Vetem 14 vjece- notarja nga Kosova ka perfaqesuar me dinjitet Shqiperine ne garat nderkombetare gjate boterorit te notit zhvilluar ne Rome. Kjo notare ka mundur te thyeje mbi 30 rekorde kombetare per te rinj e te rritura, duke u afirmuar si nje notare me te ardhme ne kete sport me tradita ne Shqiperi.

6- Ervis Tabaku - Peshengritje
Nje tjeter perfaqesues i sportit te peshengritjes qe vjen nga Elbasani, por shume shpejt ngjitet ne eliten e ketij sporti. Kampion i peshes 85 kg, nje nder talentet dhe sportistet me perspektive, fitues i medaljeve te arta ne aktivitetet kombetare dhe nderkombetare gjate vitit 2010.

7 - Erkand Karaj - Basketbollist i Tiranes
Nje nder basketbollistet me cilesore, i dalluar ne aktivitetet kombetare e nderkombetare te zhvilluara gjate vitit 2009. Kapiteni i skuadres se Tiranes, kampione e vendit. Basketbollist me rendiment te larte ne loje, organizator dhe realizues i afte, protagonist ne fitoret e skuadres se tij.

8 - Mersel Serrmi - Boks
Boksier i klubit Vllaznia ne peshen 69 kg. Medalje ari ne turneun nderkombetar "Gongu i Arte", ne Maqedoni, medalje argjendi ne Rijeka, si dhe kampion kombetar, per te rritur zhvilluar ne Shkoder ne shtator te ketij vit. Boksier me perspektive.

9 - Serxhio Sina - Boks
Boksier i Sport Klub Tiranes, kampion kombetar ne peshen 64 kg. Eshte fitues i Kupes "Boksieri me i mire" i ketij aktiviteti. Eshte shpallur kampion i Kupes se Republikes, duke u cilesuar si boksieri me dalluar turneut.

10 - Migena Plasa - Basketbolliste e Flamurtarit
Sportiste e nivelit te larte, perfaqesuese e basketbollit vlonjat me tradita ne basketbollin per vajza. Titullare e skuadres se Flamurtarit, kampione e vendit dhe e ekipit perfaqesues. Dallohet per shpirtin e gares, dhe nivelin e larte ne loje.

11- Kleda Shkurti - Volejbolliste e Tiranes
Kapitene dhe volejbolliste kryesore e Tiranes dhe e skuadres kombetare. Protagoniste kryesore ne shpalljen kampion te Tiranes, volejbolliste me rendiment te larte, model i lojes se bukur.

12-Klodian Kasa - Volejbollisti i Studentit
Nje nder volejbollistet me te mire te kampionatit kombetar per meshkuj. Kapiten i ekipit perfaqesues, titullar me klubin e Studentit, kampion prej disa vitesh ne Shqiperi.

13 - Gjergj Muzaka - Futbollisti i Tiranes
Futbollist i Tiranes skuadres kampione si dhe i perfaqesuese shqiptare. Nje nder futbollistet me te spikatur gjate sezonit 2009, duke shprehur vlera ne loje, nje perfaqesues i vertete e "Fair Play" jo vetem ne fushen e lojes, por edhe jashte saj.

14- Erjon Tola - Ski
I vetmi sportist i kualifikuar ne Lojerat Olimpike Dimerore, qe zhvillohen ne Vankuver ne Kanada, ne shkurtin e ardhshem. Pas Lojerave Olimpike Dimerore "Torino 2006", eshte hera e dyte qe ky sportin arrin te realizoje normen olimpike, ne garat e Sallonit Gjigant dhe atij Super Gjigant duke siguruar pjesemarrjen, ne kete aktivitet te rendesishem olimpik.