Nderpritet procesi i regjistrimit te popullsise ne Maqedoni
Anetaret e komisionit shteteror per regjistrimin e popullsise ne Maqedoni kane dhene doreheqje kolektive me cka procesi i regjistrimit te popullsise ne Maqedoni eshte nderprere.
Doreheqja kolektive vjen pas informacionit te anetareve shqiptare te komisionit regjistrues se ne 8 ditet e para te realizimit te regjistrimit ishte arritur te regjistrohej vetem nje e katerta e popullsise. Ne rajonin e Tetoves te banuar me shqiptare ishin regjistruar vetem 3.6 per qind e qytetareve. Si rajone ku eshte paraqitur rreziku per mosregjistrimin e qytetareve jane theksuar Prilepi dhe Manastiri.
Nenkryetari i Komisionit shteteror per regjistrim Bujar Osmani thote se komisioni ka konstatuar se nuk mund te tejkalohen dallimet ne intepretimin e tre dispozitave ligjore qe kane te bejne me regjistrimin e qytetareve qe gjenden jashte Maqedonise per personat qe kane te drejte te japin te dhenat per ata qytetare qe gjenden jashte vendit dhe dispozita qe ka te beje me dokumentet e vlefshme per regjistrim. Per shkak te interpretimeve te ndryshme te ligjit per regjistrim midis regjistruesve ne teren dhe komisioneve rajonale anetaret e komisionit kane vleresuar se rezultatet nuk do te reflektojne realitetin demografik .
Te gjithe anetaret e komisionit dhame doreheqje per te kerkuar nderprerjen e procesit qe ti japim nje shans dikujt tjeter te kryeje kete operacion dhe fatin e regjistrimit ta marre ne dore qeveria dhe parlamenti i Maqedonise - shprehet Bujar Osmani.
Drejtoresha e Entit shteteror te Statistikave Bllagica Novkovska thote se ky institucion duhet te marre vendim urgjen se si te veprohet dhe ne cmenyre te grumbullohet materiali i cili eshte i shperndare ne terren. Doreheqja kolektive e anetareve te komisionit shteteror per regjistrim pritet te jete teme kryesore ne seancen e jashtezakonshme qeveritare ku do te vendoset lidhur me hapat e metejshem per procesin e regjistrimit te popullsise qe duhej te perfundonte me 15 tetor.
Nderkohe anetaret shqiptare ne komisionin per regjistrim vleresojne se gjasat per riperteritjen e procesit te regjistrimin nuk ekzistojne. Sipas tyre procesi mund te konstatohet perfundimisht i nderprere dhe per kete arsye ata kerkojne fillimin e nje procesi te ri qe nenkupton rishqyrtimin e ligjit per regjistrim ne parlament.
Autor Fatos Musliu / Shkup
Redaktoi E. Xhani