Ndërtimi i Kompleksit Parlamentar, shpallet fitues projekti austriak
Tiranë- Projekti fitues për ndërtimin e kompleksit të ri Parlamentar në Shqipëri u shpall ai austriak Coophimelbau, me një unanimitet votash të Komitetit Shtetëror.
Në garë për këtë projekt ishin 3 firma, ajo franceze, austriake dhe italiane, të përzgjedhura nga juria e Komitetit Shtetëror mes 25 studiove që treguan interes.
Në fjalën e saj kryetarja e Parlamentit, Jozefina Topalli deklaroi se korpusi i ri parlamentar do të jetë një monument i demokracisë ne vendin tonë.
Ky është një vendim i rëndësishëm për përzgjedhjen e monumentit të demokracisë. Është ky komitet që do të bëjë përzgjedhjen e projektit fitues. Siç është bërë e ditur në konkursin për ndërtimin e Kompleksit të ri Parlamentar u ftuan 25 studio dhe paraqitën maketet (projekt-idetë), 14 studio, ndër më prestigjiozet- tha Topalli.
Ndërkohë kryeministri Berisha në fjalën e tij shtoi se juria e ka dhënë verdiktin e saj dhe se kostoja s’duhet të përmbysë vendimin e jurisë. Ndër të tjera kryeministri Berisha u shpreh se ky është një projekt i rëndësishëm për Tiranën dhe gjithë Shqipërinë.
Projekti austriak u shpall një vit më parë fitues nga një juri ndërkombëtare teksa rigaroi pasi vendimi vjet s’ishte përfundimtar.
Shkrime të tjera me interes:
- Ndërtimi i xhamisë së madhe, nis punën komisioni Tiranë: Komisioni për ndërtimin e xhamisë së madhe në Tiranë...
- Grupi Parlamentar i PS-së përjashton Kastriot Islamin Tiranë- Deputeti socialist Kastriot Islami u përjashtua sot nga grupi...
- Gazsjellësi, eliminohet Greqia, prioritet projekti shqiptar Mundësitë që Shqipëria të përfshihet në rrjetin ndërkombëtar të gazit...