Ndertimi i fushes se plehrave ne Elbasan

Odiseja e fushës së plehrave në Elbasan është e njohur.
Vend depozitimi i vjetër eshte një mal mbeturinash i kthyer në gangrenë për  banorët.
Tashmë pranohet nga të gjithë se çdo ditë ne Elbasan vdes një njeri prej kancerit,  ku fusha e mbeturinave luan rol primar. 
Qyteti dhe periferitë ndodhen nën efektin e smogut helmues të fushes. 

Ekzistojnë dy variante për ndërtimin e një landfilli të ri. 
Një është ai i hartuar nga Qarku Elbasan i cili pas shumë studimesh përzgjodhi dampën e metalurgjisë në fshatin Papërr, rreth 15 km larg.  Ideja ishte krijimi i një vend depozitimi rajonal që e zgjidh problemin për një shekull.

Varianti i dytë është një studim i bashkisë per dampën e kombinatit energjetik në përbërje të kombinatit metalurgjik në afërsi të Elbasanit.
Dy projektet kanë avantazhet dhe disavantazhet e tyre. 
Ndonëse është më me prespektivë, projekti i dampës së Paprrit kushton më shumë për shkak të largësisë. 
Së pari nevojitet një rrugë dhe së dyti ka më shumë shpenzime transporti. Kurse varianti i bashkisë kushton sa gjysma e variantit të landfillit të Paprrit.

Bashkia garanton pjesëmarrjen e partneritetit privat dhe fondet e posaçme për këtë qëllim dhe pret vetëm lejen eqeverisë Rama.