Ndihma nga toka dhe ajri per banoret

Shtabi i Emergjencave Civile ka nisur verifikimet per demet e shkaktuara nga termeti i forte qe ra ne Qarkun e Dibres, nderkohe qe jane marre te gjitha masat per te ndihmuar me materiale dhe ushqime banoret e demtuar. Shefja per marredheniet me publikun prane Ministrise se Brendshme, Laura Totraku, beri te ditur dje gjate nje konference per shtyp se Drejtoria e Pergjithshme e Emergjencave Civile, ne bashkepunim me drejtues te pushtetit vendor, po ben verifikimet e demeve te shkaktuara nga termeti ne qarkun e Dibres. Po ashtu, Drejtoria e Pergjithshme e Rezervave Materiale ka gati ndihmen qe do te nevojitet ne materiale dhe ushqime per banoret e demtuar. Ministria e Brendshme ka vene ne dispozicion edhe dy helikoptere per transportin e ndihmave per banoret e kesaj zone. Zevendesministri i Brendshem, Ferdinand Poni ishte dje i pranishem edhe ne mbledhjen e Shtabit te Emergjences Civile ne Diber, ku mesohet se u vendos mbi planin e punes per vleresimin e demeve te shkaktuara nga termeti, dhenien e ndihmes per banoret e demtuar, mirefunksionimin e strukturave shteterore si spitalet, policia, ndermarrja e rrugeve, enti i elektrikut etj. Mesohet se porosi iu eshte lene edhe kryetareve te komunave, per te raportuar mbi situaten e verifikuar ne terren.