Ndihmat, qeveria fond per te mbijetuarit e Fushe-Arrezit

Qeveria jep fonde per familjet, banesat e te cilave u demtuan nga rreshqitja masive e tokes ne Kukur te Elbasanit si dhe shton parate per familjet e viktimave dhe te mbijetuarve ne aksidentin rrugor ne Fushe-Arrez, ku pati 15 viktima. Me vendime te posacme, qeveria percaktoi dje ne buxhetin e shtetit per kete vit, nje fond prej 20.097.000 lekesh, per Komunen Kukur te Elbasanit, si ndihme per familjet e kesaj komune, te cilave u jane demtuar banesat nga rreshqitja masive e tokes. Ky fond te perballohet nga fondi rezerve i buxhetit te shtetit dhe do t'u shperndahet menjehere familjeve, sipas listes me emrat e kryefamiljareve. Ngarkohen Ministri i Financave, Ministri i Brendshem, prefekti i qarkut Elbasan, si dhe komuna Kukur per zbatimin e menjehershem te ketij vendimi. Nderkohe qe po ne mbledhjen e djeshme, qeveria miratoi nje shtese fondi per ndihme financiare te familjeve te viktimave dhe te te mbijetuarve te aksidenti rrugor te 17 korrikut ne Fushe-Arrez. Keshtu, me ndryshimet e bera, vlera e fondit nga 21.100.000 leke, behet 22.050.000 leke. Nderkohe qe rritet dhe shuma e vleres tjeter te fondit nga 16.750.000 leke ne 17.700.000 lekesh. Ne listen me emrat e viktimave te aksidentit rrugor, ne aksin Rreshen - Fushe-Arrez, shtohet edhe emri i viktimes me te fundit, Erikson Gjin Peraj.