Ndihme per te lene alkoolin ne spital, 40% e nisin perseri Sonila Isaku

Te pasur e te varfer. Mes tyre nuk mungojne edhe femrat. I bashkon te gjithe i njejti problem, jane te varur nga alkooli. Ne vendet e tjera, kjo varesi konsiderohet semundje, tek ne ende nje ves jo fort i rende. Por pasojat mund te jene fatale. Prej nje viti e gjysme, jane rreth 300 persona, te cilet i jane drejtuar klinikes se trajtimit te vartesive alkoolike ne QSUT, per te lene perfundimisht pijen. Mjeku adiktolog, Shpetim Doksani, njekohesisht shefi i klinikes pohon se gjysma e pacienteve te trajtuar deri me tani i jane rikthyer pirjes se alkoolit pasi terapia post-spitalore nuk ka qene efektive. "Shifrat kane arritur ne rreth 300 persona te trajtuar. 41-42 per qind e tyre kane bere relaps. Duke qene se eshte nje trajtim kombinativ ku nje element themelor i trajtimit eshte suporti familjar, kur cenohet ky suport prishet ai lloj ekuilibri", - nenvizoi shefi i Klinikes se Trajtimit te Varesise nga Alkooli. Sipas tij, edhe femrat jane nje kategori e mire alkoolpirese ne vendin tone dhe nuk kane qene te pakta rastet kur ato vete kane kerkuar ndihme po ashtu edhe te aferm te tyre i kane drejtuar ne kete qender, nderkohe qe ndihma me e madhe nga seksi femer kerkohet edhe nepermjet telefonit. "Varesia ndaj alkoolit eshte nje problem, por ne momentin kur vendos te trajtohesh nuk ka me diference mes sekseve, por ajo qe une do te thosha, eshte se ne dallim nga meshkujt, femrat kerkojne ne kliniken tone konsulta anonime per alkoolin. Kjo behet kryesisht ne rruge telefonike, por nuk eshte rezultative per shume arsye, pasi per te dale nga vartesia duhet te veprohet me te gjitha komponentet. Ajo cka mund te them me siguri, eshte se femrat kane frike se mos paragjykohen, kur arrijne ne kete faze", - ka nenvizuar Doksani. Ky i fundit ben apel per me shume ndergjegjesim per pasojat ndaj alkoolit, ndersa thekson se vec demeve shendetesore, personat e alkoolizuar jane nder shkaktaret kryesore te aksidenteve. Te dhenat e fundit flasin se mbi 45 per qind e aksidenteve ne vend kane ndodhur nga drejtues automjetesh ne gjendje te dehur. "Ka rrisqe madhore edhe ne lezion social. Pra, ne humbje te vigjilences, ne drejtimin e makines qe con ne aksidente apo ne shtim te kriminalitetit, pra ne dhune. Sipas raporteve qe deklarohen here pas here 45-46 per qind te aksidenteve kane shkak konsumin apo intoksikimin alkoolik", - tha Doksani. Sipas te dhenave spitalore, grupmoshat qe abuzojne me shume me sasine e alkoolit jane ata nga 18 deri 30 vjec.

Demshem, cka do te thote se e konsumojne vazhdimisht dhe me sasi. Ndersa 6-7% e popullates ka vartesi alkoolike.