Ndihmojnë me pajisje Klinikën e Ortopedisë

Rotari Klubi i Gjermanisë i udhëhequr nga dr. Tom Shchaberg, përmes Rotari Klubit të Pejës, sot ka dhuruar një donacion në pajisje, në vlerë prej 4.000 euro për Klinikën e Ortopedisë dhe Traumatologjisë së Qendrës Klinike Universitare të Kosovës.

Në emër të Rotari Klubit “Peja”, donacionin për Klinikën e Ortopedisë e dhuroi Neshad Asllani, i cili tha se duke parë nevojat e mëdha që ka pasur Klinika e Ortopedisë me Traumatologji për pajisje mjekësore, atëherë përmes Rotari Klubit të Gjermanisë kanë siguruar instrumente ortopedike të cilat janë të nevojshme për punë në kuadër të QKUK-së.

Në emër të Klinikës së Ortopedisë me Traumatologji, donacionin e pranoi drejtori i kësaj klinike, dr Faton Morina, i cili tha se pajisjet e dhuruar do të jenë ndihmesë e mirë për Klinikën me të cilën ai menaxhon.

Instrumentet përmbajnë sharrë ortopedike dhe borerë do të përdoren në kuadër të Ortopedisë kockore. Të dy palët u pajtuan që bashkëpunimin e nisur ta vazhdojnë edhe në të ardhmen dhe të shihet mundësia që edhe në të ardhmen të ndihmohet kjo Klinikë.

Donacioni është regjistruar në Zyrën e pasurisë së QKUK-së. Klinika e Ortopedisë me Traumatologjisë, falë angazhimit të menaxhmentit të QKUK-së, muajt e kaluar është pajisur me një set të sharrave dhe borerave, vlera e të cilave ka shifrën 60 mijë euro.