Ndiqet penalisht italiani, trafikonte mjete të vjedhura
29/06/2010 U kap me makinë të vjedhur në 2004-n
DURRES- Është vënë nën përgjegjësinë penale dhe akuzën e trafikimit të mjeteve motorike shtetasi italian Nikolin A. 32 vjeç. Bllokimi i një mjeti tip Fiat Tipo me targa të huaja në portin e Durrësit ka vënë nën përgjegjësi këtë shtetas, i cili është detyruar të lërë në dorën e agjentëve të policisë të gjithë dokumentacionin e mjetit. Ky shtetas me kombësi e shtetësi italiane i lindur në Gjermani dhe banues në Itali është ndaluar teksa kishte zbritur në sheshin e trageteve me mjetin Fiat Tipo CN 870667. Policia kufitare dhe migracionit në portin e Durrësit ka vendosur të ndalojë këtë mjet sapo ka parë se në listën që ajo ka rezulton se mjeti i italianit ishte vjedhur në Itali më datë 6 korrik 2004. Shtetasi Nikolin A. ka justifikuar pronësinë e mjetit duke thënë se ai e kishte blerë në vendin e tij. Por policia ka dyshime se bëhet fjalë për një rrjet trafikantësh të mjeteve dhe autoveturave në të cilin janë të përfshirë shtetas shqiptarë e të huaj. Italiani dyshohet se ka bërë të njëjtin veprim edhe herë të tjera dhe për këtë arsye e ka shoqëruar në mjediset e saj për ta marrë në pyetje. Po dje policia ka bllokuar edhe mjetin fuoristradë Land Rover me targa ZA 644 NB. Edhe ky mjet ishte në listën që ka policia e Durrësit, e cila ka bërë të ditur se fuoristrada ishte e vjedhur në Itali më datë 11 maj 2004. Muajt e fundit policia është përqendruar në drejtim të gjetjes së strehës së disa mjeteve të vjedhura në Perëndim dhe të trafikuara në Durrës. Bashkëpunimi i vendosur me forcat e policisë së përtejdeti dhe besueshmëria që kanë gjetur të huajt tek policia shqiptare kanë bërë të mundur zbulimin e disa rrjeteve të trafikut më mjeteve. Në këtë kuadër janë bërë edhe vëzhgime si dhe operacione në disa pika të grumbullimit të automjeteve. Xh. Gradica
DURRES- Është vënë nën përgjegjësinë penale dhe akuzën e trafikimit të mjeteve motorike shtetasi italian Nikolin A. 32 vjeç. Bllokimi i një mjeti tip Fiat Tipo me targa të huaja në portin e Durrësit ka vënë nën përgjegjësi këtë shtetas, i cili është detyruar të lërë në dorën e agjentëve të policisë të gjithë dokumentacionin e mjetit. Ky shtetas me kombësi e shtetësi italiane i lindur në Gjermani dhe banues në Itali është ndaluar teksa kishte zbritur në sheshin e trageteve me mjetin Fiat Tipo CN 870667. Policia kufitare dhe migracionit në portin e Durrësit ka vendosur të ndalojë këtë mjet sapo ka parë se në listën që ajo ka rezulton se mjeti i italianit ishte vjedhur në Itali më datë 6 korrik 2004. Shtetasi Nikolin A. ka justifikuar pronësinë e mjetit duke thënë se ai e kishte blerë në vendin e tij. Por policia ka dyshime se bëhet fjalë për një rrjet trafikantësh të mjeteve dhe autoveturave në të cilin janë të përfshirë shtetas shqiptarë e të huaj. Italiani dyshohet se ka bërë të njëjtin veprim edhe herë të tjera dhe për këtë arsye e ka shoqëruar në mjediset e saj për ta marrë në pyetje. Po dje policia ka bllokuar edhe mjetin fuoristradë Land Rover me targa ZA 644 NB. Edhe ky mjet ishte në listën që ka policia e Durrësit, e cila ka bërë të ditur se fuoristrada ishte e vjedhur në Itali më datë 11 maj 2004. Muajt e fundit policia është përqendruar në drejtim të gjetjes së strehës së disa mjeteve të vjedhura në Perëndim dhe të trafikuara në Durrës. Bashkëpunimi i vendosur me forcat e policisë së përtejdeti dhe besueshmëria që kanë gjetur të huajt tek policia shqiptare kanë bërë të mundur zbulimin e disa rrjeteve të trafikut më mjeteve. Në këtë kuadër janë bërë edhe vëzhgime si dhe operacione në disa pika të grumbullimit të automjeteve. Xh. Gradica