Ndoka: NATO, reforma me konsensus
Partia Demokristiane organizoi diten e djeshme forumin "Alternativa kristiandemokrate ne Evrope - alternativa demokristiane ne Shqiperi", ne bashkepunim me demokristianet gjermane. Ne fjalen e tij kreu i PDK-se, Nard Ndoka, pershendeti CDU-ne gjermane si partnere te partise se tij dhe kryetaren e kesaj partie, Kancelaren gjermane, Ankela Merkel. Pasi theksoi mbeshtetjen e Gjermanise per marrjen e fteses per ne NATO te Shqiperise, Ndoka theksoi se pas kesaj ftese politika shqiptare duhet te tregoje vlera te reja dhe demokratike. "Shqiperia ndodhet ne nje stad te ri ku reformat e rendesishme kerkojne bashkepunim, dialog, kompromis dhe mbi te gjitha vullnet politik per te marre vendime qe nuk kane te bejne me interesat e dites, por me te ardhmen tone me synimin e integrimit te plote politik ne familjen evropiane", deklaroi kreu i PDK-se ne fjalen e tij. Nga ana tjeter, kryetari i delegacionit te CDU-se gjermane, Jost de Jager, pasi prezantoi profilin politik te kesaj partie, foli mbi programin e saj, si dhe mundesite e bashkepunimit me PDK-ne. F.M