Ndryshime në kabinetin “Rama“/ Ikën Xhaçka, Kushi dhe Krifca, ja emrat që i zëvendësojnë
Kryeministri Edi Rama, në mbledhjen e Asamblesë Kombëtare të PS-së, ka publikuar emrat e ministrave të cilët kanë lënë postet ministrore, duke sjellë disa emra të rinj, por edhe lëvizje përbrenda kabineteve ministrore.
Ajo që bie në sy është fakti se portofolet ku janë bërë ndryshimet qeveritare konsiderohen si të rëndësishme, siç është ai i politikës së Jashtme, i Financave, i Arsimit dhe i Bujqësisë.
Bie në sy largimi i Olta Xhaçkës nga posti i ministres së Jashtme për t’u zëvendësuar me Igli Hasanin. Ndërsa ministrja e Bujqësisë, Frida Krifca, do të zëvendësohet nga Anila Denaj, e cila rikthehet në qeveri pas largimit si ministre e Financave disa vite më parë.
Delina Ibrahimaj lë gjithashtu postin e ministres së Financave, për t’u zëvendësuar nga Ervin Mete, por do të marrë portofolin e ministres së Shtetit për Sipërmarrjen, duke mbetur në qeveri.
Pas shumë vitesh në krye të dikasterit të Shëndetësisë, Ogerta Manastirliu do ta lërë drejtimin e kësaj ministrie për të zëvendësuar Evis Kushin në postin e ministres së Arsimit.
Në vend të Manastirliut, Rama ka zgjedhur Albana Koçiun si ministre të Shëndetësisë dhe të Mbrojtjes Sociale. Ndërsa nënkryetari aktual i Bashkisë së Tiranës, Arbian Mazniku, do të jetë ministër Shteti për Pushtetin Vendor.
Emrat e propozuar për portofolet ministrore
Ervin Mete – Ministër i Financave dhe Ekonomisë
Igli Hasani – Ministër për Evropën dhe Punët e Jashtme
Ogerta Manastirliu – Ministre e Arsimit dhe Sportit
Anila Denaj – Ministre e Bujqësisë dhe Zhvillimit Rural
Albana Koçiu – Ministre e Shëndetësisë dhe Mirëqenies Sociale
Delina Ibrahimaj – Ministre e Shtetit për sipërmarrjen dhe klimën e biznesit
Arbjan Mazniku – Ministër Shteti për Pushtetin Vendor
Ndryshimet në kabinetin qeveritar
Ministria e Financave
Largohet Delina Ibrahimaj
Vjen Ervin Mete
Ministria e Jashtme
Largohet Olta Xhaçka
Vjen Igli Hasani
Ministria e Bujqësisë
Largohet Frida Krifca
Vjen Anila Denaj
Ministria e Arsimit dhe Sportit
Largohet Evis Kushi
Vjen Ogerta Manastirliu
Ministria e Shëndetësisë
Largohet Ogerta Manastirliu
Vjen Albana Koçiu
Ministria për Sipërmarrjen
Largohet Edona Bilali
Vjen Delina Ibrahimaj
Ministria për Pushtetin Vendor
Arbian Mazniku
/rtsh.al/