Në Ersekë ka paqe, skuadrat ndajnë pikët

Një barazim pa gola ka ndarë në paqe Gramozin në ndeshjen në shtëpi ndaj Shkumbinit. Përballja mes këtyre dy skuadrave ka qenë e fortë. Në fushë është luajtur një lojë me ritëm. Vendasit tentojnë të jenë ajo skuadër që ka frenat e lojës në dorë dhe rrezikojnë disa herë porën e miqve me anë të Do Santosit. Por Peqinasit kanë reaguar shpejt, duke vënë në vështirësi portierin e Gramozit. Edhe pjesa e dytë është karakterizuar nga një lojë e shpejtë, ku janë ndërtuar shumë raste të rrezikshme në të dyja portat, por ai që ka munguar ka qenë goli i shumëkërkuar. Fërshëllima 3-herëshe e gjyqtarit të takimit e ka lajmëruar mbylljen e ndeshjes në barazim 0-0. Gramozi ka marrë kështu pikën e parë të saj në debutimin në Kategorinë Superiore. Ndërsa Shkumbini duhet të jetë i kënaqur me pikën e marrë në Ersekë.