"Ne Kuvend brenda 4 marsit, ose zevendesohen"

Mandati i deputeteve socialiste do te humbase, nese brenda dates 4 mars, ata nuk do te hyjne ne Kuvend. Keshtu u shpreh dje kryetari i Komisionit te Jashtem, Fatos Beja, i cili sqaroi edhe se si do te kryhet zevendesimi, nese socialistet jane te vendosur qe ta humbasin mandatin e fituar ne 28 qershor. Sipas tij, ne Kushtetute edhe ne Kodin Zgjedhor, percaktohet qarte se mandatet e 64 deputeteve bojkotues, zevendesohen me kandidatet pasardhes ne listen 140 emerore qe PS ka dorezuar ne Komisionin Qendror te Zgjedhjeve. "KQZ merr me pas vendim, per dhenie te mandatit kandidatit te radhes ne listen e kandidateve te regjistruar sipas nenit 67 te ketij Kodi. Vendimi i njoftohet kandidatit si dhe botohet ne fletoren zyrtare", tha deputeti demokrat, Beja. Por sipas tij, ndryshe nga deputetet aktuale, ata qe do t'i zevendesojne ne rast se aktualet e kane vendosur ta humbasin mandatin, nuk do te kene me luksin te mendohen gjashte muaj per te hyre apo jo ne Kuvend. "Ata qe zevendesojne deputetet qe humbasin mandatin, kane vetem 30 dite kohe per t'u paraqitur ne Kuvend. Nese kandidati i radhes nuk paraqitet ne Kuvend brenda 30 diteve nga njoftimi pa shkaqe te percaktuara ne Kushtetute, mandati i takon kandidatit vijues te listes", sqaroi Beja. Kjo procedure sipas tij, vijon deri ne shterimin e listes se kandidateve te kesaj force politike, PS. Me pas, sipas Bejes, zevendesimi vijon me kandidate te marra nga forca te tjera politike. "Kur nje parti nuk deshiron te shkoje, vazhdon perseri Kodi sepse do te mbroje funksionimin e Kuvendit", theksoi ai. Procedura sipas Bejes, do te nise te zbatohet nese brenda dates 4 mars, 64 deputetet socialiste nuk do te hyjne ne Kuvend.